BIBIGYANG-DAAN muli ng Lily’s Files ang ilan sa mga tambak na mga text message at mga nag- email ng kanilang mga reklamo at hinaing tungkol sa kanilang mga employer o lugar ngunit tulad ng dati ay hindi na po natin babanggitin dito ang kanilang mga pangalan at cellphone number para na rin po sa kanilang kahilingan at proteksiyon.
Kung anoman ang mailalathala ng pahayagang REMATE, iyon po ang mga nakasaad sa kanilang mga padalang message at email sa Lily’s Files column natin at wala po akong babaguhin o papalitang mga salita.
GOOD day po, Ms. Lily. Gusto ko lang po sanang ireklamo itong online Fontana Casino rito sa may E.C. Cortez, Mandawe, Cebu City sa tabi ng Monas Equipment at tapat po ng isang gasolinahan.
Matagal na po itong nag-o-operate nang walang permit at lisensiya. Nakapagtataka lang po kung bakit hinahayaan ito ng gobyerno.
Marami po kaming mga dating empleyado rito ang umalis na dahil natatakot kami na baka magkaroon ng raid at madamay pa kami.
Bukod po sa wala itong lisensiya ay mga bata po ang kanilang mga empleyado at pati na rin ang mga naglalaro rito ay mga menor de edad.
Sana po ay maaksyunan ito ng mga awtoridad, maraming salamat po at more power. 0917_8_5_2_.
GOOD evening po. Kaya po ako sumulat sa inyo ay para iparating sa mga kinauukulan ang napakaraming pokpok sa loob at labas ng Kalibo Airport.
Sa pakiwari ko nga po ay may lagay ang mga pokpok na ito sa mga pulis dahil nakikita ko na magkakausap sila na parang mga pulis pa rin yata ang naghahanap ng kostumer nila.
Kung puwede po sana ay ipanawagan ninyo sa mga kinauukulan dahil bilang isang babae ay nahihiya rin po ako, lalo na sa mga turista na galing sa ibang bansa. Dahil kung iaalok
nila ang kanilang mga sarili ay para lang pasalubong o pagkain.
At bilang isang Filipino ay apek-tado rin po ako. Sana sa susunod kong pagpunta ng Boracay ay hindi ko na makikita ang nakasusukang tanawin na ito. Salamat po. 0947_3_4_5_.
Magandang araw, Lily’s Files, totoo po ‘yung ukol kay Col. Villamor Tuliao na nasa MPD. Sobra po ang takaw sa pera. Akala ko po ba, eh, itinatapon na sa probin-sya ni Mayor Joseph Estrada ang katulad nitong opisyal na ito? Pero bakit nakapuwesto pa rin?
Sana rin po, Madam Lily, i-expose niyo rin ‘yung mga lantarang koleksyon ng mga iligal diyan sa lugar ng Quiapo. Kawawa po ang mga vendor diyan na ginagawang palabigasan ng mga pulis. Salamat po. 0927_5_7_6_.
Bukas po ang Lily’s Files para sa inyong mga reklamo, suhestiyon at komento, mag-text lang po sa 09165571946 at 09087230036 o kaya ay mag-email lamang sa lpr_2012@yahoo.com.
The post CASINO WALANG PERMIT, MANILA KOTONG COP AT POKPOK NG PULIS appeared first on Remate.
