MULA Enero 1, 2011 hanggang Agosto 2013, ang Drug Administration of Vietnam ay nakatuklas ng 37 foreign pharmaceutical companies mula sa 10 bansa (25 dito ay mga Indian company) na nagbenta ng substandard na gamot sa Vietnam market.
Upang palakasin ang mga gamot na may mataas na kalidad, ang Drug Administration ng Vietnam ay nagbigay ng panuntunan sa mga kompanya na may gamot na nagmula pa sa Vietnam: makipagkaisa sa mga may drug quality control agencies upang subukan ang 100% imported drug batches ng 37 na kompanya na may substandard drugs sa isang listahan na ipinalabas ng Drug Administration of Vietnam (ang listahang ito ay updated monthly o quarterly at ipinalabas sa website ng Drug Administration sa Vietnam) bago bigyan ng otorisasyon na maibenta sa merkado.
Sa puntong ito, bakit walang inilalabas ng Food and Drug Administration (FDA Philippines) ang katulad na findings sa Vietnam? Tumatanggi ba ang mga tao sa loob ng FDA o sinasadyang ibalam ito? Dapat ipakita ng FDA Philippines ang listahan ng mga ‘di nararapat na gamot ayon sa lumabas na resulta ng pagsisiyasat sa mga gamot.
Nagkaroon nga ba ng testing sa gamot? Totoo nga ba, ang FDA Philippines ay walang laboratoryo o gagamitin upang i-test ang naturang mga gamot, kung gayon, papaano nagawa ang sinasabing testing? Umaasa ang FDA sa mga papeles na isinusumite ng pharmaceutical companies, at walang testing o napapatunayan ukol sa standard na gamot?
Napag-alaman din na kapag nagkaroon ng problema at complaint ay tsaka lamang ipasusuri ang mga ito? Kapag wala namang nagrereklamo ay tuloy-tuloy pa rin ito?
Bakit ayaw aprubahan ni DOH Kalihim Enrique T. Ona ang pagbibigay ng mga gagamitin at equipment para sa pagkakaroon ng aktuwal na testing para sa mga gamot sa loob ng FDA at hindi sa labas ipapasuri?
The post SUBSTANDARD NA GAMOT NATUKLASAN SA VIETNAM appeared first on Remate.