MATAPOS na maibulgar natin ang gumagalang sindikato sa loob ng parking lot ng Ninoy Aquino International Airport Terminal I ay isa na namang panibagong sindikato rito ang ating ibubulgar.
Ito ay may kinalaman na naman sa isang overseas Filipino worker mula naman sa Florida, U.S.A. na dumating noong Nov. 26, 2013 sa nasabing airport.
Nagulat ang nasabing OFW sa kanyang natuklasan na pagkasira ng padlock ng kanyang travelling bag at pagkawala ng kanyang isang alak, dalawang mamahaling relo at dalawang supot ng tsokolate.
Basahin ang text message ng nasabing OFW.
Good day po, Sir Johnny.
Irereklamo ko lang ‘yung mga tauhan ng NAIA na naka-assign sa conveyor.
Noong Nov. 26, 10:00am ay natuklasan ko na ang aking travelling bag ay sira ang padlock at nawala ang aking isang alak, dalawang mamahaling relo at dalawang supot ng chocolate.
Ganito na pala ang mga empleyado ng airport natin!
Ninanakawan nila ang mga OFW na katulad ko na nagpapakahirap sa ibang bansa para lang maiahon sa kahirapan ang aking pamilya.
Tapos ganito pa ang mararanasan mo pagdating.
Ganito na ba katalamak sa pagnanakaw ang mga kawani ng ating airport?
Alam kaya ito ni NAIA Gen. Manager Jose Honrado ang mga pinaggagawa ng kanyang mga tauhan? Sir, kumilos naman kayo kung ano ang nararapat dito sa mga tauhan n’yo!
LOTTENG NI SOLA NAMAMAYAGPAG PA RIN
PATULOY pa rin ang operasyon ng palotteng ni BONG Sola sa kabila ng ‘No Take Policy’ ang ipinatutupad ng PNP.
Palibhasa, walang bukambibig si SOLA kundi malakas daw siya kay Rizal PD Sr/Supt. Rolando Anduyan.
Totoo ba ito, Sr./Supt. Anduyan, na kayo raw ang sinasandalan ni SOLA kaya hindi matigil ang operasyon ng lottengan nito sa Rizal. Ang sentro ng lottengan ni SOLA ay sa Cainta pero sa buong lalawigan ang operasyon nito.
Ang lahat ng mga alkalde ng Rizal ay hawak din ni Sola.
Mayorrrrr…..totoo ba na kontrolado kayo ni SOLA?
Anomang reklamo o puna ay i-text lang sa 09189274764, 09266719269 o i-email sa juandesabog@yahoo.com.
The post PASALUBONG NG OFW SA MGA BAGAHE, NAWALA SA NAIA appeared first on Remate.
