PANAHON na para sibakin ni PNoy si Kalihim Leila de Lima.
Ang dami na kasing sablay nitong si Aling Leila at ang pinakahuli nga nito ay ang ginawa nitong pagpapalaya sa dating gobernador ng Batangas na si Antonio Leviste.
Wala kasing naniniwala na wala silang alam sa pagpapalaya sa dating asawa ni Senadora Loren Legarda dahil under niya ang Board of Pardons and Parole.
Siyempre, kapag nasa ilalim mo ang isang opisina, lahat ng galaw nito ay ire-report sa iyo kaya tanga lamang ang hindi nakaiintindi sa panggagago ng kalihim sa mga Filipino.
Sa hindi nakaaalam, si Leviste na bukod sa dating asawa ni Loren ay uncle rin ng kasalukuyang bise gobernador sa Batangas na nagkataon naman na miyembro ng Liberal Party nina PNoy at Mar Roxas.
Sa maikling paliwanag, naghuhugas lamang ng kamay sina De Lima at PNoy dahil walang naniniwala na wala silang blessing sa pagpapalaya kay Leviste.
‘Yan ang ilan lamang sa mga panggagago ng administrasyong ito dahil ang tingin nila sa Pinoy ay puro bobo.
o0o
Ang Big 4 daw ng Parañaque ang nagpapasasa sa sangkatutak na pwesto sa Baclaran.
Ito pala ang dahilan kung bakit hindi maalis-alis ang mga sagabal na pwesto sa siyudad na talaga namang sagabal sa tao at mga sasakyang nagdaraan sa area.
Isang Lani raw ang lider ng Big 4 na kinabibilangan ng kanyang mga alagad na sina Eva, Arnold at Anton.
Bukod sa arawang tara ay talaga namang hindi na kumukuha ng permit sa city hall ang vendors dahil ang lagi raw pinangangalandakan ni Lani at ng grupo nito ay siya ang bahala sa permit at kay Mayor Olivarez.
Napag-alaman din na may pwesto na itong sina Lani sa Baclaran at bukod sa nagbebenta na raw ito ng iba’t ibang produkto ay mayroon pa itong pinauupahang pwesto.
Bihasa sa dilang bihasa itong si Lani dahil ito rin ang raket niya at ng kanyang mga alipores sa isang mall na nasunog sa northern part of Metro Manila.
Iyan ang dapat bantayan ng city council ng Parañaque at ni Mayor Edwin Olivarez dahil baka sa halip na umunlad ang kanilang siyudad ay mabaon pa ito sa utang dahil ang kanilang mga kinuhang tagapamahala ay puro tulisan.
The post LEILA DE LIMA, SIBAKIN appeared first on Remate.
