PAHAPYAW nating silipin itong mga katarantaduhang pinaggagagawa ng bossing o hepe ng Bureau of Permit and License Office ng Pasay City na si Mr. Yetbo del Rosary.
Ibang klaseng public official ang mamang ito dahil sa halip na siya ang mangunang magpakita ng magandang halimbawa sa mga Pasenyo, ang matandang mama pang ito ang siyang nangungunang gumagawa ng katarantaduhan.
Bakit kanyo?
Eto ang kuwento.
Isang gabi raw noong last December 2013, tumotoma, namumulutan at namumu(ki) nang libre ang huli sa Universe Girl Club.
Sa sobrang kalasingan ni Mang Yetbo ay bigla na lamang niyang pinatigil ‘yung mga babaeng sumasayaw na nakahubo’t hubad sa ibabaw ng entablado ng bahay-aliwan.
Ang akala ng lahat ng mga kostumer sa loob ng club ay nireyd ni Mr. Del Rosary ang Universe Girl Club.
Ang siste, kaya pala pinatigil ni Mr. Del Rosary ang mga sumasayaw ay dahil siya at ang kanyang ‘balalay’ pala ang magsasayaw. Ang galing no?
Huwag ka pa, naka-topless (walang saplot sa itaas) na nagsasayaw si Mr. Del Rosary na ang feeling yata ng matandang ito, isa siyang guwapong macho dancer!
Ewan ko lang kung alam ni Pasay City Mayor Antonino Calixto ang pinaggagawa ng kanyang hepe ng BPLO.
Alam ninyo, hindi lang ‘yan, marami pang katarantaduhang ginawa ito. (ABANGAN)
HINDI MATINAG KAHIT ILIGAL
Sa Bay at Los Baños, Laguna ay hindi mapatinag ang bookies ng dating mayor ng Bay, Laguna na si Edwin Ramos (ER).
Wala kasing ipinagmamalaki itong si ER kundi dati siyang alkalde ng Bay at maraming koneksyon sa pulisya bukod pa sa malaki ang ibinibigay nitong tong sa mga pulis.
o0o
Anomang reklamo o puna ay i-text lang sa 09189274764, 09266719269 o i-email sa juandesabog@yahoo.com
The post ABUSADONG OPISYAL NG PASAY CITY BPLO (1) appeared first on Remate.
