BISITA ng Marikina City ang 17 City director ng DILG sa Metro Manila noong isang araw para obserbahan ang “paperless transaction” ng aming City Council na pinamumunuan ni Vice Mayor Jose Fabian I. Cadiz.
Bukod tangi raw ang “best practice” na ito ng Marikina at pati raw si DILG Sec. Mar Roxas ay napahanga rito.
Sa Marikina kasi, tablet ang gamit ng mga konsehal sa kanilang mga council session. Doon na nila binabasa ang lahat ng dokumento na kakailanganin nila para sa session sa araw na iyon.
Ito ay sa initiative ni Kon. Jojo Banzon na siniguro na matuloy ang kanyang proyekto sa mababang halaga lamang.
After lunch naman ay nakipagpulong ang mga city director sa department heads ng Marikina LGU. Dito naitanong ng isa kung papaano napanatili ng Marikina ang mga proyekto nito at paano nito nasiguro na maimbibe ng mga bagong empleyado at residente.
“Continuity,” ito ang sagot ng isang department head.
Mapalad ang Marikina dahil lahat kami ay galing sa iisang grupo. Halos lahat sa amin ay dumaan kay BF o Bayani Fernando at kay MCF o Marides Fernando.
Nakalimutan, marahil, ng iba o hindi alam ng mga hindi taga-Marikina na naging malaking bahagi rin ang aming kasalukuyang Mayor Del R. de Guzman sa pagbabago ng Marikina bilang vice mayor ni BF at congressman noong panahon ni MCF. Kumbaga, siya ang nagsulong ng legislative agenda para sa ikauunlad ng aming lungsod.
Kaya’t very professional ang kanyang approach nang nanalo siya noong 2010 laban sa kandidato ng mga Fernando na si Vice Mayor Marion Andres (na nakasama rin ni Mayor Del sa konseho at sa partido Kabayani).
Bagama’t nangangamba ang karamihan sa mga department head na sila ay mapapalitan o malalagay sa freezer – hindi ito nangyari. Walang pinalitan si Mayor Del at intact ang karamihan sa mga highly experienced at professional manager ng aming lungsod.
Hindi lang makatao ang aming mayor, marunong din siyang tumanaw ng utang na loob sa mga taong nakasama niya sa panunungkulan nang ilang dekada.
The post GALING SA IISANG PISA appeared first on Remate.
