IPINAGKALOOB ng Department of Environment and Natural Resources (DENR) ang Official Seal of Approval sa 10 industriya para sa kanilang natatanging pag-aalaga ng ating kalikasan noong nakaraang 5th Philippine Environment Partnership Program (PEPP) awarding ceremonies na ginanap sa Sulo Riviera sa Lungsod ng Quezon. Pito sa mga ito ay napapabilang sa makapangyarihan at malaking sektor.
Binati ni DENR Undersecretary Demetrio Ignacio, Jr. “ang mga lumahok na industriya sa pangangalakal na gumawa ng magandang halimbawa sa kanilang environmental performance, hindi man lubos bilang social responsibility program, kundi bilang isang matapat na bahagi ng kanilang operasyon.”
Ngayon ang ika-limang taon ng pagkilala ng DENR sa mga industriya na sumusunod sa ating mga batas, sinabi ni Ignacio na ang proseso ng PEPP ay nagpakita na “Parami nang parami ang mga kumpanya nagkakagusto at tumatanggap ng mga panukala at pamamaraan na mamalagi sa global at pambansang arena, ito ay kinakailangan upang harapin ang mga hamon ng kapaligiran, na kung saan ay hindi lamang mabuti para sa kapaligiran, kundi nagpapakita din ng business sense.”
“Ito ay nagpapatunay lamang na may self-environment regulation ang mga pribadong sektor, at aming ipinapabatid ang taos-pusong pasasalamat sa mga industriya at sa walang sawang pag-alaga at pagprotekta sa kapaligiran” dagdag pa niya.
Si Director Juan Miguel Cuna ng DENR’s Environmental Management Bureau (EMB) ang nag-organisa ng nasabing okasyon, ay umaasa na ang mga awardee ay magiging modelo at inspirasyon sa iba pang sektor.
Ang mga nagkamit ng parangal ay napili pagkatapos nilang maipasa ang iba’t ibang evaluation stages kasama na ang mga kinakailangang dokumento at site activities kaagapay ang EMB’s regional offices at mga miyembro ng PEPP-Technical Evaluation Committee.
The post DENR NAGBIGAY NG PARANGAL SA 5th PEPP AWARDING CEREMONIES appeared first on Remate.
