IPAGPATULOY natin ang pagbubulgar ng katarantaduhan na ginagawa ng grupo ng “Black Ladies” ng Ninoy Aquino International Aiport (NAIA).Ang unang lugar ng kanilang operation ay sinisimulan na muna nila sa shuttle bus station na nasa main arrival curbside ng terminal.
Alam n’yo ba na kaya sa shuttle bus station sa main arrival curbside ng terminal nila sinisimulan ang kanilang operation ay dahil sa hindi sila masisita ng mga guwardiya roon.
Ipinagmamalaki nila na may basbas sila ng isang retired colonel ng Armed Forces of the Philippines (AFP) naka-detail sa AGMSES.
Biruin n’yo, noong masita sila ng hepe ng shuttle bus ay buong pagmamayabang na ipinagmamalaki ng grupo nila na may basbas sila ng nasabing retired colonel.
Katunayan, pagkasita sa kanila ng hepe ng shuttle bus ay tinawagan nila ang nasabing exs-colonel na kung saan ay mabilis na sumugod sa area ito para depensahan ang grupo ng “Black Ladies.”
Ang kaso ay nagsumbong itong si hepe ng shuttle bus kay GM Honardo Aquino kaya hayun ang naging dahilan ng maagang pagkakasibak kay ex-colonel. (Buti nga)
TALAMAK NA SUGALAN SA SPD
ISANG alyas Enold at Baras ang mga kinikilalang “Hari ng bookies ng karera at lotteng” sa Pio del Pilar sa Makati City.
Hindi sila ginagalaw ng mga kapulisan gaya nitong si Rene Ocampo alyas RR sa lungsod ng Parañaque, Taguig, Pateros at Las Piñas.
Palibhasa, mga pader ang mga iligalistang ito sa mga alkalde.
SI HEPE ANG PADRINO SA LOTTENG
SA Marikina naman, mismo ang chief of police na si Supt. Gumiran ang umanoy pumapadrino sa operasyon ng lotteng ng isang alyas Egay. Kaya naman tiba-tiba sa pangongotong ang bagman nitong pulis na si alyas Mati.
Anoman ang reklamo, mangyari ay i-text lang sa 09189274764, 09266719269 o i-email sa juandesabog@yahoo.com.
The post ISANG EX-COLONEL ANG PROTECTOR NG BLACK LADIES appeared first on Remate.
