PAHAPYAW nating silipin itong lalawigan ng Batangas na kung saan ay pinamumugaran ng iba’t ibang uri ng mga iligal na pasugalan. At kung sino pa ‘yung mga inaasahan ng mga Batangueño na mangunguna sa pagsugpo sa iba’t ibang bisyo gaya ng kanilang mga barangay officials ay sila pa ‘yung mga pasimuno at protektor ng mga ito.
Katulad na lamang daw nitong isang patupadahan sa Pinamukan Silangan, Batangas City.
Talo pa nito ang mga lisensyadong sabungan dahil sa araw-araw itong nagpapasabong kahit na iligal ito. Ang siste pa, ang operator nito ay ang kapitan pa ng barangay at mga kagawad nito.
Bukod sa tupada ay may mga puwesto pijo pang pa-color games, sakla at beto-beto sa paligid lang ng nasabing tupadahan na malimit ay pinagmumulan ng kaguluhan na kung saan ay dinededma lamang ng mga barangay officials doon.
Ewan ko ba rito kay Batangas Provincial Director Supt. Omega Jireh Fidel, kung bakit tila nagtataingang kawali lang ang mamang ito.
Gano’ng kung magagawi sa lalawigang iyan ay mabubungaran mo ang lantaran at talamak na operasyon ng iba’t ibang mga iligal na pasugalan sa sakop n’ya.
Hindi ko sinasabi na malaki ang “tongpats” ni Supt. Fidel sa patupadahan at iba pang mga pasugalan ni Kap. Marasigan.
UNTOUCHABLE SA MGA MAYOR
SA Bay at Los Baños, Laguna ay patuloy ang operasyon ng mga bookies ng STL ng dating mayor ng Bay na si Edwin Ramos alyas ER.
Wala kasing bukambibig ang mamang ito kundi malakas siya kina Los Baños Mayor Ceasar Perez at Bay Mayor Bunoy Ramos.
Ipinagmamalaki ni ER na malaki ang ibinibigay niyang “tongpats”sa dalawa kaya patuloy lang ang operasyon nito sa mga nasabing bayan.
o0o
Anomang reklamo o puna ay i-text lang sa 09189274764, 09266719269 o i-email sa juandesabog@yahoo.com
The post SINA KAPITAN AT KAGAWAD DAW ANG NAGPAPASUGAL appeared first on Remate.
