KUNG ita-type mo sa Google ang “kahalagahan ng April 9th”, at dahil Google na ang halos takbuhan ng kabataan ngayon kung may gusto silang malaman, napakaraming historical events ang lalabas sa screen ng iyong computer.
Kaya dapat ay mas specific, April 9th para sa Filipinos, Day of Valor, Araw ng Bataan o Araw ng Kagitingan. Ang April 9 ay ang araw na sumuko ang magkahalong pwersa ng mga Filipino, Chinese at Amerika sa pwersa ng Japan noong World War II.
Pagkatapos ng nangyaring pagsuko sa araw na ito sa ating kasaysayan ay nangyari rin ang Death March ng may 76,000 na sundalo na nagmartsa mula sa Bataan patungong Capas sa Tarlac kung saan marami ang namatay pero marami rin ang nakaligtas para ipasa ang kuwento sa sumunod na salin-lahi.
Maramil ay hindi agad masasagot ng maraming kabataan kung ano ang selebrasyon tuwing April 9, pero mabuti na lang at may internet at napakadali na, na saglit na silipin ang kuwento ng “Pagbagsak ng Bataan” at ang tunay na aral na lang nito o ang moral ng kuwento, ang kailangan talagang maigiit sa isipan.
Ang kuwento ng Death March na nagsimula sa Bataan ay kuwento ng kagitingan ng mga sundalong Filipino sa pagtatanggol sa bayan laban sa pananakop ng dayuhan.
Pero dapat din na tingnan ng makabagong panahon hindi lang ang kabayanihan ng Pinoy kundi ang kasamaan ng digmaan.
Noong panahon na iyon, Hapon ang kalaban natin, kakampi natin ang Amerika at ang Tsina. Pero ngayon, kaibigan na natin ang Japan at maging ang Amerika kung tutuusin at may hidwaan na nagaganap sa pagitan ng Pilipinas at China.
Noong panahong iyon, ang ipinaglalaban pa rin ay power at dominance, kung ngayon ay makabago na ang lahat hindi pa rin maiiwasan na ang dahilan ng ‘di pagkakaintindihan ay ang agawan ng pag-aari at kapangyarihan.
Ang hindi magbabago, noon at ngayon, ay ang masamang epekto ng giyera. Paggunita at pagdakila ang Abril 9 sa kagitingan ng sundalong Filipino pero paalala rin dapat ay “never again” pagdating sa giyera.
The post SILIPIN SAGLIT appeared first on Remate.
