NOONG nakaraang linggo, umapela ang Maynilad Water Services, Inc. (Maynilad) sa mga maaapektuhan nitong customer na maghanda at mag-ipon ng tubig, ilang araw bago maganap ang water service interruption.
Ang flood control project ng Department of Public Works and Highways (DPWH) ay magdudulot ng water service interruption sa maraming lugar sa Metro Manila at Cavite, simula ngayong araw hanggang Sabado de Gloria (Abril 19).
Ipinapaalala ng Maynilad na ang hindi tamang pag-imbak ng tubig ay maaaring magdulot ng peligro at sakit.
Dahil dito, may karagdagang tips ang kompanya para masiguro na sapat at ligtas ang pag-iimbak ng tubig:
1. Gumamit ng mga malinis na baunan at lalagyan ng pagkain para makaimbak ng tubig pangluto at pang-inom. Bago inumin, pakuluan muna ang tubig.
2. Ang mga na-disinfect na bote ng softdrinks at juice ay maaaring imbakan ng tubig pang-inom at pangluto.
3. Ang tubig na nakaimbak sa plastic na lalagyan ay hindi dapat nakatabi sa mga lalagyan na may gas, kerosene, pesticide o katulad na chemical dahil ang singaw ng mga ito ay tumatagos sa plastic.
4. Huwag mag-imbak ng tubig sa mga lalagyan na dating pinag-imbakan ng mga nakalalasong kemikal.
5. Ang mga lalagyan ng household bleach na wala nang laman (basyo) ay maaaring imbakan ng tubig na panglinis ng bahay.
-oOo-
TAYO’Y magsaya at magdiwang! Happy Birthday to NWRB Birthday Celebrants for the month of April 2014: Joanna Marie G. Danan (April 4), Lenor C. Castro (April 12), Renato R. Rizo (April 14), Maria Annabelle S. Lusung (April 15), Bless D. Baltazar (April 17), Crisanta I. Martelino (April 18), Florimel R. Balbedina (April 21) at Ricardo C. Olarte (April 25).
The post SIGURADUHING LIGTAS ANG NAIMBAK NA TUBIG appeared first on Remate.
