INILUNSAD ng Social Security System (SSS) ang AlkanSSSya Program para sa social protection ng halos 170 mga magsasaka na miyembro rin ng Community Forestry Project-Taytayan Multi-Purpose Cooperative (CFP-TMPC) mula sa Cateel, Davao Oriental, isa sa mga bayan na bumabangon mula sa hagupit ng bagyong Pablo noong Disyembre 2012.
Pinangunahan ni AlkanSSSya Program Director Amalia Tolentino at ni CFP-TMPC General Manager Esther Albino ang ribbon-cutting ceremonies sa Mantunao Eco Park sa bayan ng Cateel noong Mayo 5.
Kasama sina SSS President & Chief Executive Officer Emilio de Quiros, Jr., SSS Assistant Vice President for Southern Mindanao Emmanuel Palma, International Labour Organization (ILO) Project Coordinator Jedel Ervin Tabamo, SSS Special Assistant to the PCEO Ma. Lourdes Mendoza, SSS Vice President for Management Services and Planning May Catherine Ciriaco, SSS Branch Evaluation Services Department Head Gloria Cuisia at si SSS Senior Vice President for Visayas and Mindanao Eddie Jara.
Isa sa mga pangunahing tampok sa pagbubukas ng programa ay ang pagpapakita ng pagkakaisa ng SSS, ILO at ng CFP-TMPC ni SVP Jara, SSS Mati Officer-in-Charge/Branch Head Erec Rana, CFP-TMPC Chairman Mahlon Tehana, AVP Palma at ni Coordinator Tabamo.
Ang mga magsasakang-benipisyado ng cash-for-work program na suportado ng ILO, na nagtitipon-tipon sa unit ng AlkanSSSya program para ihulog ang kani-kanilang mga kauna-unahang ipon sa ilalim ng naturang programa.
Ang AlkanSSSya Program, na may layuning gawing pang-araw-araw na gawain at kaugalian ang pag-iipon para sa kanilang kontribusyon sa SSS, ay nakarating sa Cateel sa pagsusumikap ng sangay ng SSS sa Lungsod ng Mati, Davao Oriental.
The post MAKAPAGSISIMULA MULI ANG MAGSASAKANG TINAMAAN NG BAGYO appeared first on Remate.