SILIPIN natin, mga pare ko, ang “Daang Walang Direksyon” ni Pangulong Noynoy Aquino dahil sa mga kapalpakan na pinaggagawa ng mga alipores nito sa mga proyektong ginagawa ng ilang ‘kawatang contractors’ na kinukuha ng Department of Public Works and Highways (DPWH) ni Sec. Rogelio Singson.
Maganda sana ang mga proyektong ipinagagawa ng DPWH dahil sa maraming malalaking proyekto ang naisakatuparan sa mga ito.
Pero ang masakit nito, ang hindi makontrol ang kaliwa’t kanang “nakawan” na pinaggagawa sa iba’t ibang proyekto.
Ihalimbawa na lamang natin itong pinabayaan at iniwang nakatiwangwang na proyekto sa C.M. Recto Ave., Sta Cruz, Manila ng kontraktor na kinuha ng DPWH sa lugar na ito, ang Flores Construction and Trading.
Iniwanan ng nasabing kontraktor na nakatiwang-wang ang mga drainage na dapat ay kanila itong ginagawa.
Pero nag-concentrate lang mga ito sa road improvement at hindi sa aspeto ng pagsasaayos ng daluyan ng tubig sa drainage papunta sa bagong linya nito.
Kaya hindi tuloy mapigilan ang pagbaha sa nasabing lugar kahit sa konting pag-ulan lamang. (ITUTULOY)
LOTTENG NI KAP PADER KINA MAYOR
Wow! Hindi talaga natitinag ang pag-ooperate ng mga lotteng ni Kap. Peping Gatdula mula sa mga bayan ng Calatagan, Calaca, Nasugbo at Agoncillo.
Hanggang ngayon ay patuloy na nagbibingi-bingihan ang mga alkalde rito.
Hindi ko lang alam kung bakit ‘di umaaksyon sina Agoncillo Mayor Daniel Reyes, Calaca Mayor Fronio Manuel Ona, Calatagan Mayor Phia Palacio at Nasugbo Mayor Rosario Apacible. Bakit kaya…?
***
Anomang reklamo o puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
