HINDI raw mapigilan ang lantaran na bentahan ng drugs (shabu) sa Brgy. Godofredo Reyes, Sr., Ragay, Camarines Sur.
Ang pinagtatakhan lang ng mga taga-Brgy. Godofredo Reyes ay kung bakit ang mga pulis na naka-assign sa kanilang lugar sa PNP Police Station sa pamumuno raw ni SPO1 Makatiyan ay walang ginagawa kundi ang tumanghod at tumunganga sa tabi ng highway.
Naghihintay na siya ay tapunan ng pera mula sa mga truck driver na dumaraan sa nasabing highway.
Wala siyang pakialam kahit ang mga kabataan ay nalulong sa pagsisinghot ng shabu sa nasabing bayan.
Matagal na raw na pinoproblema ng mga taga-Brgy. Reyes ang pagkakagumon ng mga kabataan sa droga pero tila raw nagbubulag-bulagan lang si hepe dahil sa wala siyang pinagkakaabalahan kundi ang panghihingi nito ng tong sa mga truck driver na nagdaraan sa lugar.
Ano kaya ang masasabi ni PRO5 Regional Director Gen. Victor Deona sa hepe ng Brgy. Godofredo Reyes na si SPO1 Cacatian?
Abay, Gen. Deona, panay ang papogi mo sa mga accomplishment mo pero ginagago ka naman ng bata mong si SPO1 Makatiyan.
Aksyon, Gen. Deona…
VK UTOL DAW NI YORME NINONG
Sa Caloocan City naman ay lantaran ang paglalatag ng mga video-karera (vk) nitong si alyas Nognog sa mga barangay sa Bukid Area maging sa Caloocan Proper, Caloocan City.
Ang retiradong police Major Malapitan na umano’y kapatid ni Caloocan City Mayor Oca Malapitan ang itinuturo ni Nognog ang nasa likod ng operasyon ng mga vk nito.
Hindi ko lang alam kung bakit ‘di kumikilos si Caloocan COP Supt. Tolome Bustamante para mapatigil ang talamak na operasyon ng vk ni Nognog.
Natatakot ba o may tongpats ba si Col. Bustamante Ano nga kaya ang dahilan?
***
Anomang reklamo o puna ay i-text lang sa 09189274764, 09266719269 o i-email sa juandesabog@yahoo.com. JUAN DE SABOG/JOHNNY MAGALONA
