NABAHALA ang militanteng grupo ng Bukluran ng Manggagawang Pilipino (BMP) hinggil sa nangyaring pag-uusap ng mga opisyal ng Home Guaranty Corporation (HGC) at ng business magnate Reghis Romero II.
Ang pag-uusap ay base na rin sa mga naglabasang report sa media na patungkol sa pagresolba ng Romero group sa lahat ng ‘legal liability’ ng patuloy na Smokey Mountain Development Reclamation Project na matagal nang usapin sa iba’t ibang hukuman sa mga nakalipas na dekada.
Natatakot ang grupo na baka magkaroon daw ulit ng panibagong ‘midnight deal’ sa negosasyong ito kung saan ay pera ng mga obrerong Pinoy ang nakataya.
May 2014 pa may utang ang HGC sa Social Security System (SSS) na P5.3-billion na ginamit ng mga nakalipas na namamahala rito para pondohan ang ilang housing project ng pamahalaan.
Huling binayaran ang SSS noong Hulyo 2008 pa nang maglabas ng P812-million ang HGC bilang settlement sa anomang garantiya sa kanilang investment sa Suburban Housing Project may limang taon na ang nakararaan.
Napabalita ring ini-wave na ng SS ang anomang ‘penalties’ at ‘surcharges’.
Bilang mga taxpayer na pinagkaitan ng tunay na serbisyo mula sa SSS dahil sa tinatawag nilang kakulangan ng pondo, humihiling ang sektor ng panggagawa ng full public disclosure sa mga dokumento at pagpahayag kung ano na ba talaga ang tunay na laman ng kanilang negosasyon.
Nagbanta pa ang militanteng grupo na hindi sila mangingiming sugurin ang tanggapan ng SSS at HGC para lang ipamukha na nakabantay ang taumbayan sa posibleng ‘lutuan’ at aregluhan na naman sa pagitan ng mga taong ang interes ng mahihirap ang muli na namang matatapakan.
PROSTITUTION OKS KINA MAYOR AT BPLO CHIEF
Malakas hindi lamang kay Pasay City Mayor Antonino Calixto itong XTD KTV Bar kundi maging kay Business Permit chief Boyet del Rosario sa kabila ng front ito ng prostitusyon. Ano ba kayo????
***
Anomang reklamo o puna ay i-text lang sa 09189274764, 09266719269 o i-email sa juandesabog@yahoo.com. JUAN DE SABOG/JOHNNY MAGALONA
