ALAM ba ninyong priority ni Max Collins ang gag show na Bubble Gang? Kapag may schedule taping na Monday ang Bubble Gang ay hinihiling niya sa production people na gawing Tuesday ang taping ng Kailan Ba Tama Ang Mali?
Balitang hindi naman apektado sa mga request na ganito si Max dahil sa maraming reserbang episodes ang Kailan Ba Tama Ang Mali? Tulad nang ipinalalabas sa ngayong episode 7 pero nasa episode 9 na ang kasalukuyang itine-taping ng grupo.
Gustung-gusto ni Max na laging nasa Bubble Gang dahil another outlet ng acting niya ang pagpapatawa. Bukod pa sa nagiging relief ito ng sobrang dramang ginagawa niya sa Kailan Ba Tama Ang Mali? Rito’y nakatatawa siya nang husto.
Walang seryosong gagawin na kailanga talaga ang mabigat na emosyon.
Siyempre, nakasasayaw rin siya sa Bubble Gang bilang isa sa Bubble Shakers ng gag show.
Bida pa rin sa Bubble Gang sina Michael V, Antonio Aquitaniao, Rufa Mae Quinto, Boy 2 Quizon, Betong at kasama pa rin sina Sef Cadayona at Juancho Trivino.
Hindi malilimutan iba’t ibang characterization ni Michael V bilang si Tata Lino, na kapupulutan ng aral ang kanyang mga payo, pero nakatatawa pa rin.
Iba’t ibang gags ang feature tuwing Friday night na naaayon sa panahon. Dahil sa ginawang ito ng Bubble Gang, sila pa rin ang longest running gag show sa bansa sa ngayon.
***
GRAND FINALS NG TRUST BUNONG BRASO CHALLENGE 3, KASADO NA!
Matapos yanigin ang Metro Manila, North, South at Central Luzon, magkakaalaman na kung sino ang pinakamalakas sa nalalapit na Grand Finals ng Trust Bunong Braso Challenge 3: Luzon Open sa ika-11 ng Abril sa Sta. Lucia East Grand Mall.
Dalawampu’t-apat na manlalaro sa dalawang magkaibang dibisyon galing sa iba’t ibang bahagi ng Luzon ang magtutunggalian para sa titulong Bunong Braso King at sa tumataginting na P50,000.Maliban sa malupit na sagupaan, dapat ding abangan ang mas matinding pasabog na dala ng isang surprise celebrity guest. Tiyak ding aapaw ang saya at sorpresa sa mas pinalaking mga papremyo sa pa-raffle ng Trust Condoms.
Layunin ng TrustST Bunong Braso Challenge 3 na linangin ang sportsmanship at athleticism sa mga alalakihan sa pamamagitan ng isang larong nagmula pa sa mga ninuno. Nais ding iparating ng Trust Condoms na sa anomang uri ng laban, mahalagang isaisip na “Bago Umaksyon, Proteksyon!”
Para sa karagdagang updates ng Bunong Braso Challenge 3: Luzon Open, i-like lamang ang opisyal na Facebook Page ng Trust Condoms (https://www.facebook.com/TRUSTcondoms). ON THE SET/NOEL ASINAS
