MALINAW na patungo na sa pagbulusok ang popularity ni Pangulong Noynoy Aquino.
Ito ang ipinakikita ng resulta ng huling Social Weather Station survey na kung saan bumagsak sa 47 mula sa dating 63 percent ang natutuwa sa performance ni PNoy.
Maging ang mga dismayado sa trabaho ng anak ni Cory ay dumami dahil lumabas sa March survey ng SWS na umangat sa 36 percent ang nasusuya sa trabaho ng boss sa Malakanyang.
Ipinakita rin ng survey na bumagsak sa halos lahat ng rehiyon ang popularity ni PNoy mula sa Luzon, Visayas at Mindanao.
Mabigat din ang sentimyento ng lahat ng klaseng Filipino dahil lahat ng klase ng tao ay ayaw sa ipinakitang trabaho ni PNoy nitong mga nakaraang araw.
Kaya marami tuloy ang nagsasabing malabo nang makabawi si PNoy at tiyak na tataas pa ang porsiyento ng ayaw kay PNoy dahil bukod sa Mamasapano massacre ay unti-unti na ring nararanasan ang power crisis sa buong bansa.
Drastikong hakbang ang kailangan ni PNoy kaya milagro ang kailangan nito dahil malapit na siyang matulad kay GMA.
o0o
Lumusot na naman ang mga Binay sa huling pagsubok sa kanilang buhay.
Nakakuha ang mga ito ng injunction sa Court of Appeals na sumelyo para huwag silang mapatalsik bilang hari ng Makati.
Pangitain kaya ito na lahat ng pagsubok bago dumating ang election 2016 ay kanila nang makakaya?
Abangan! ALINGAWNGAW/ALVIN FELICIANO