MALAMANG na makalaboso si DepEd Sec. Armin Luistro sa kasong pagwaldas sa kaban ng bayan nang gastusin nito ang P16-milyong halaga ng libro na maituturing na raw na obsolete dahil ito’y para sa old curriculum.
Sa annual report ng Commission on Audit (COA) noong March 31 ay nagpa-imprenta raw ang DepEd ng may 16-milyong textbook na nagkakalahaga ng mahigit sa P608-milyon.
Sa report ng COA, ang 16,296,231 textbook na nagkakahalaga ng P608,712,658 ay hindi na akma sa curriculum para sa K-12. Nadeliber ang mga librong ito sa mga eskuwelahan para sa SY 2012-2013. Ang kwestiyunableng textbooks ay laan para sa Grades 1 at 2 pero ‘yung para sa Grades 7 at 8 obsolete ang mga libro.
Sa pahayag ni NPC Rep. Win Gatchalian, majority member ng House committees on Basic Education and Culture at Higher and Technical Education, hindi kailangan ng mga estudyante ang mga reference book na maiimbak lamang sa shelves ng library kundi ang mga textbook na maiuuwi ng mga estudyante at magamit sa kanilang mga classroom.
Ito ang ‘Matuwid na Daan’ sa DepEd. He..he..he..he..he.
PASUGALAN NI EDNA SI CONG. ANG PADRINO
Sa parte ng Solis sa may Tambunting St., Sta. Cruz, Manila ang sentro ng operasyon ng iligal na pa-lotteng, EZ2 at bookies ng karera ni Edna.
Malakas ang operasyon ng lotteng, EZ2 at bookies ng karera ni Edna sa Sta. Cruz, bukod sa ilang bahagi ng Tondo.
Walang ipinagmamalaki si Edna kundi malakas daw siya sa Manila Police District at wala siyang ipinanakot sa mga kapulisan kundi si 3rd District Cong. Naida Angpin.
Ano ang masasabi ninyo, congresswoman? Totoo ba ito? Kung hindi, bakit hindi ninyo ipahuli?
***
Anomang reklamo o puna ay i-text lang sa 09189274764, 09266719269 o i-email sa juandesabog@yahoo.com. JUAN DE SABOG/JOHNNY MAGALONA
