WOW naman, ang tindi naman nitong operator ng lotteng at jueteng sa Las Piñas na si alyas One sa kabila ng mahigpit ang ipinatutupad na kampanya ng Philippine National Police (PNP) laban sa lahat ng iligal na pasugalan.
Tanging ang kumag na ito lang ang nakapag-o-operate ng iligal na pasugalan sa Las Piñas.
E, paano walang ipinagmamalaki itong si One kundi ang “Ninong” niyang si Las Piñas Kon. Sonny Aguilar.
Ultimo ang pinakatungki ng ilong ni Las Piñas chief-of-police S/Supt. Adolfo Samala ay hawak din ni One.
Halos buong barangay sa Las Piñas ay nakopo ng mga iligal na pasugalan ni One.
Walang sinoman daw na gambling operator ang makapapasok sa Las Piñas para kumpitensyahin ang lotteng at jueteng ni One.
Kaya naman smooth na smooth ang operasyon ng mga pasugalan ni One rito.
Ikaw na ang maging inaanak ng konsehal ng siyudad. ‘Pag hindi ka ba naman na maging untouchable diyan.
Ang matindi pa rito, pati si hepe ay kaya ni One na paluhurin sa harapan niya dahil nga sa ibinibigay nitong lingguhang intelihensiya.
Kaya siya ‘di binabangga ni hepe. He.. he..he..he.. (Magkano ba ‘yun?)
SANGKATUTAK NA VK SA CAVITE
Nakalimutan nga pala natin na sa Silang at GMA Cavite ay talamak din ang operasyon ng mga video-karera rito na pinatatakbo nitong isang ex-konsehal na si Lando M.
Ang mga vk ni Lando M. ay protektado raw ng lokal na mga kapulisan ng Silang at GMA.
Ewan ko lang kung may tinatanggap na lingguhang I.N.T. (intelihensiya) ang magiting na provincial director ng Cavite na si Supt. Johnel Estomo.
Pustahan tayo, hindi kayang patigilin ni kernel ang mga nakalatag na vk ni Lando M. sa Silang at GMA.
o0o
Anomang reklamo o puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
