TANGNA naman ang Lotto outlet na ito sa Cabanatuan City, Nueva Ecija. Kung may dapat ipasara, ang lotto outlet na ‘to na lang.
Mantakin n’yo, sa loob daw na limang taon na pagtaya ng isang Nueva Ecijano sa lotto outlet sa Cabanatuan, nanalo siya minsan apat na numero sa 6/49.
Nang ipapalit niya ito sa outlet, namputsa, hindi tinanggap ito.
Abay, gago sa dilang gago ang may-ari ng franchise ng lotto outlet na ‘yan.
Basahin natin ang kabuuang reklamo niya.
“Sir Johnny, magandang umaga. Taga-Cabanatuan City ako at sa loob ng limang taon kong pagtataya sa lotto, nanalo ako ng apat na numero sa 6/49 nitong June 16.
“Ang problema, nang ipinapalit ko na ang ticket ko sa outlet sa tapat ng Nueva Ecija Mall sa Cabanatuan City, offline na raw sila pero nagpapataya pa sila. Kaya lumipat ako ng ibang outlet sa lumang kapitolyo.
“Ganundin, offline rin daw pero ang dami namang tumataya at pinatataya pa kami. E ‘di ba, ‘pag offline na, hindi na pwedeng tumaya?
“Buti na lang, Sir Johnny, may mabait na lotto outlet dito sa Lopez, sa Hayna St., at pinalitan din ‘yung lotto ko.”
Maraming salamat, sir.
HINDI MAPAHINTO ANG PATUPADA NI KAP
Simula pa noong January ng taong ito’y garapalan at lantaran na ang ginagawang pagpapatupada ni Kap. Domeng Macuha sa Purok 1, Bgy. Bolbok, Lipa City.
E halos ilang buwan na rin na umiinit ang wetpu ni Region-4A RD Gen. Richard Albano pero hindi man lamang natitinag ang tupadahan nito na may halong iba’t ibang iligal na pasugalan gaya ng cara’y cruz, color games at sakla.
Ibang klase kasing maglangis itong si Kap. Domeng dahil ang balita ay dumidirekta ito sa regional director ng region.
Totoo ba ito, Gen. Albano? Kung hindi totoo,bakit hanggang ngayon ay patuloy pa rin ang sugalan nito?
***
Anomang reklamo o puna ay i-text lang sa 09189274764, 09266719269 o i-email sa juandesabog@yahoo.com. JUAN DE SABOG/JOHNNY MAGALONA
