KAHIT sino namang magulang ay madidismaya talaga kapag delayed ang anunsyo o abiso ng suspensyon ng klase. Natural, nag-aalala sila na magkasakit o mahirapan pumasok ang kanilang anak.
Nitong mga nagdaang araw, naging mainit na usapin ang pagsuspinde o pagkansela ng klase dahil sa epekto ng bagyong Egay at Falcon sa Hagupit ng Habagat.
Sari-sari ang mababasa mo sa Facebook at Twitter ng Marikina PIO. Kadalasang mga estudyante na ipinagdarasal na mag-post kami ng walang pasok sa iba’t ibang lehitimong kadahilanan.
Pero meron diyan dahil birthday raw niya o kesyo may group report sila sa klase, atbp. Meron din namang sinasabi na huwag munang magkansela ng klase para mabigyan sila ng baon. May magta-trashtalk at babatikusin ang mayor, LGU o kami mismo. May nagsasabi pa nga na “natutulog pa ang mayor” kaya wala pang anunsyo.
Pero, karamiha’y masaya at nakikipagbiruan.
Kayo kaya ang lumagay sa sitwasyon ng mayor, ano ang gagawin nyo?
1. Ayon sa 11 p.m. advisory ng PAGASA, “heavy and intense rainfall within a 300 km radius of the typhoon.” Pero si Falcon ay 1,400 kms away from the Philippines. So, walang masyadong epekto sa atin ang bagyo. Good up to 11 a.m. daw ang advisory na ito.
2. Tumigil na ang ulan at manipis ang ulap ‘pag tingnan mo ang kalangitan.
3. Ganundin ang Doppler image ng Project Noah. Manipis ang rain clouds at iilan lang.
4. Buong magdamag hindi umulan. Manaka-nakang ambon lamang.
5. Pasado alas-singko imedya na nang ilabas ng PAGASA ang advisory nila na mag-expect ng thunderstorm over Metro Manila within the next 2 hours. Bago nito, noong 5 a.m. ay “light to moderate rains” lang ang Metro Manila.
6. Maganda ang drainage ng Marikina. Iilan lang ang kalsadang binabaha (SSS Village) at mabilis din naman na humupa.
7. Ang problema ng Marikina sa pagbabaha ay kapag umapaw lang ang ilog. Eh, nasa normal range ang water level nito.
Ikaw ba’y magsususpinde ng klase kapag ganyan ang sitwasyon?
Ayun naman pala, eh. Iba rin talaga kapag nalalaman natin ang basehan ng desisyon, ano po?
Pero, may discretion naman po ang ating mga mayor na magdesisyon as a precautionary measure.
Sa tutuo lang, damned if you will … damned if you don’t ang mga mayor sa usaping ito. ABISO/PAUL EDWARD P. SISON
