SA halip na lutasin ang problemang dulot ng sira-sirang tren ng MRT3, nagdesisyon ang DOTC-LTFRB-MMDA na bigyan daw ng solusyon ang parusa sa mga pasahero ng tren na kilometriko ang haba sa pila.
Ang solusyon nila? Nagdagdag sila ng “special bus” na sasakyan daw ng mga pasahero mula North Avenue patungo ng Makati na diretso biyahe. Maganda?
Ang siste, ‘yung mga “special bus na ginamit ng DOTC-LTFRB-MMDA ay pawang mga bawal sa kalsada sa araw na iyon dahil sa NUMBER CODING!
Tangnashit na buhay ito! Tama ba ang solusyon ninyo, Mr. Jun pAbaya, Cabrera at Francis Tolentino? O sadyang hanggang diyan lang ang abot ng utak ninyo? Saan kayo kumukuha ng kapal ng inyong mukha na payagan ang pagbiyahe ng mga “special bus” na iyan, eh, bawal nga batay sa batas ng lansangan.
Kung gusto talaga ninyo na paluwagin ang daloy ng trapiko hindi lang sa EDSA kundi sa buong Metro Manila, ipatigil ang pagbiyahe ng maraming COLORUM BUSES kaysa ligal at may prangkisa. Ganyan din ang gawin ninyo sa mga kolorum na jeepney at taksi.
Sabagay, multi-milyon kada buwan ang tara ng sindikato ng kolorum. ‘Yun lang araw-araw na koleksyon, P200 pinakamababa sa lahat ng bumibiyaheng bus, naku po Tunying, multiply by 12 libo, taksan, taksan na okane na iyan para sa mga opisyal ng naturang ahensiya…at sa boss nila!
Noong nagdaang linggo, umulan. Malakas pero sandali lang. Kaya lang, maraming lugar ng binaha na hindi maraanan ng mga sasakyan. Anyare? Bago ang ulan na iyon, panay pakita sa telebisyon ang mga bagong ayos na SIPSIP, este, mga pumping stations.
At kung ibabatay sa SONA ni PNoy, kasalanan pala ng University of Sto. Tomas dahil ayaw raw ipagalaw ang pinakamatandang unibersidad hindi lang sa Pilipinas kundi sa Asya! Sabi noong tagabulong natin, may grupo raw na gustong hukayin ang loob at labas ng unibersidad hindi para gawan ng lunas ang baha. Hulaan ninyo. Well, sabi ni Boy Kulugo, marami raw kasing nakabaon na ginto ni Yamashita sa loob at paligid ng UST!
Wow! Naalala ko tuloy noong panahon ni Tita Cory na nanay ni PNoy, pinayagan niya ang lahat na kaibigang dayuhan (tumulong daw sa pamilya nila noon sa Boston) para maghukay to the max ang mga lintek para makuha raw ang ginto ni General Yamashita. Ibang klase kayo ha. Sino ang maghuhukay now?
Ang tren natin sa kamay ng PNR ay lalong nabulok. Pero huwag kayong mag-alala, kasalanan daw ni dating Pangulo at Pampanga Congressman Gloria Macapagal-Arroyo. Ganyan din ang pagkasira ng MRT3 at LRT, kasalanan din ni Arroyo. Huwag na kayong humirit, mga “BLINDER!”
At iba pa? Si Mar Roxas pala ang ieendorso ni PNoy. Alam na ba ninyo ‘yun?
Bwahahaha. BALETODO/ED VERZOLA
