SUMAKAY ka pa!
Sinusubukan ngayon ng kampo ng Liberal Party ang merkado ng mga botante kung kakagatin ang tambalan nina DILG Sec. Mar Roxas at Pangulong Noynoy.
‘Testing the Waters’ ika nga! Pero tiyak kong kakapusin pa rin ang dalawang ito sa karisma ni Sen. Grace Poe para sa trono ng susunod na Pangulo ng ating bansa.
Kamakailan ay naging komedyante pa itong si Mar nang ipilit nitong itambal sa kalihim ng Department of Health (DOH) kaya lumutang ang tambalang Mar-Garin. Patawang petot!
Kung tunog lang ng pangalan ay walang dudang si Poe na ang susunod na uupo sa Malakanyang subalit kulang pa rin siya hanggang sa ngayon ng iba pang mga sangkap upang matiyak ang panalo sa 2016 Elections.
Isa na riyan ang problema ni Poe sa pondo na hanggang sa ngayon ay hinahagilap pa raw. Mayroon na sana subalit pinirata pa ng makakalaban ni Poe sa eleksyon.
Kaya nga hanggang ngayon ay hindi pa rin nagsasara ng pinto itong si Poe dahil magulo pa ang tabakuhan ng mga taong namumuhunan sa mga kandidato.
Ito ang taktika ngayon ng dalawang kampo! Ang piratahin ang mga taong magbibigay ng pondo sa kandidatura ni Poe upang mapilitan siyang tumambal na lang bilang kandidatong Bise-Presidente.
Iyon na lamang mga paraan ngayon upang mapilitan si Poe na yumuko sa dalawang nag-uumpugang partido. Kapag walang magbibigay ng suportang pinansiyal kay Poe ay tiyak na yuko… atras siya.
Talasan mo lang, Sen. Poe! Nariyan na naman ang mga taong nagpatalo sa iyong ama noong 2004 Elections. Nagbibida na naman sila samantalang takbuhin naman kapag nagkagulo na ang sitwasyon.
***
Para sa komento o suhestiyon: eksperto71@gmail.com EKSPERTO/JOIE O. SINOCRUZ, Ph.D.
