TULUYAN na ngang naglaho ang sikat na sikat na sugal na jueteng pero ang pumalit naman dito ay ang Small Town Lottery (STL) bookies na ang operasyon ay nagtatago sa likod ng STL ng Philipines Charity Sweep stake Office (PCSO).
Ang isa sa mga nagpapasimuno sa iligal na operasyon ng STL ay itong si Dante Alvarez na dating bata-bata nang napatay na si Vic Siman ng Laguna.
Si Dante Alvarez ang may kontrol ng bookies ng STL sa 1st District ng Laguna na binubuo ng Sta. Rosa, San Pedro at Biñan.
Walang sinomang kapitalista ng bookies STL ang makapapasok sa kaharian ni Dante Alvarez nang hindi nagpapaalam sa kanya.
Si Dante Alvarez kasi ang nagpapakilalang collector ni OIC Laguna Gov. Ramir Hernandez sa 1st District ng Laguna.
Kaya naman smooth na smooth ang operasyon ng kanyang bookies sa nasabing distrito.
Ipinagmamalaki umano nitong si Alvarez na malaki ang lingguhang ‘timbre’ na ibinibigay nito sa mga collector umano ni gob, bukod pa sa ‘goodwill’ na ibinigay nito para lang masolo niya ang operasyon sa buong 1st district ng Laguna.
TALAMAK PA RIN ANG KAPLUGAN SA TITAN Z
Hindi pa rin daw tumitigil ang talamak na bentahan ng sex sa Titan Z Night Club sa Macapagal Ave., Pasay.
Sa kabila ng marami na umanong kostumer ng nasabing club ang nangangamba na baka sila ay mahawahan ng sakit na Sexually Transmitted Disease gaya ng HIV-AIDS.
Hindi pa rin kumikilos ang pamunuan ni Pasay City Mayor Tony Calixto kaugnay sa talamak na bentahan ng sex sa loob ng mga VIP room. Ang isa sa ipinagmamalaki kasi ng mag-utol na Kenjie at Hiro Akiba (Japanese), eh, malakas sila kay Business Permit and Licensing Office chief Boyet del Rosario kaya patuloy ang kababuyan sa club.
Bakit hindi hinuhuli ang mag-utol na Hapon na ito?
o0o
Anomang reklamo o puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
