GUMAWI tayo sa lalawigan ng Bulacan at ating silipin ang talamak na operasyon ng mga video-karera (VK) na pinatatakbo ng iba’t ibang mga operator na namumugad sa lalawigang ito na kung saan ay patuloy na nagbubulag-bulagan ang mga kapulisan at mga lokal ng opisyal ng lalawigan.
Kabilang sa mga bayan na pinamumugaran ng sangkaterbang makina VK ang San Jose del Monte, Bulacan na ang mga nagpapatakbo rito (hindi ko lang alam kung gaano katotoo ito) ay ang magkapatid daw na Samera.
Ang balita (ewan ko lang kung totoo ito) isang barangay kapitan at konsehal ng bayan ang magkapatid na ito.
Tingnan ninyo ang kawalanghiyaan ng mag-utol na ito.
Kung sino pa ang inaasahan ng mga constituent nila na na magbubuwag sa mga kailigalan sa kanilang lugar ay ang mga ito pa ang nagsisilbing promotor sa pagpapalaganap ng mga iligal sa kanilang bayan.
Samantalang ito namang si San Jose del Monte chief-of-police Supt. Charlie Apil Cabradilla ay pabanjing-banjing lang sa kanyang opisina.
Abay ang mga katulad nitong si hepe ay sinisibak na dahil walang tibay na maasahan ang taumbayan sa kanya kung magpapatuloy siya.
Bukod pa sa magkapatid ay may isa pang VK operator ang nag-ooperate sa San Jose del Monte ng pa-guerilla (patago-tago) na kinilala lang sa kanyang alyas Fanny.
Sa Bulacan, Bulacan naman ay isang alyas Gil ang siyang nakalutang na operator ng mahigit sa 200 makina.
Ang nakapagtataka rito ay kung bakit tila hindi rin nakikita ni Bulacan, Bulacan chief-of-police Supt. Gerardo Almario Andaya ang mahigit sa 200 VK ni Gil sa nasasakupan niya.
Ano kaya ang naging casshhh..sunduhan nila para magbulag-bulagan si koronel? Hehehe..
Ang daya-daya n’yo, ha!
O, PNP chief General Ricardo Marquez, aba’y, sibakan na!
***
Anomang reklamo o puna ay i-text lamang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
