Social Security System (SSS) VP for Public Affairs and Special Events Division Marissu “Susie” Bugante ang naging espesyal na panauhin ng inyong Lingkod sa programa “HEALTH & TRAVEL @ SER-BISYO PUBLIKO”.
Para sa employers na kasalukuyang nagbabayad ng kontribusyon para sa kanilang mga kasambahay na ang gamit ay ang kanilang sariling SSS ID numbers, maaari pa rin nilang ipagpatuloy ito, hanggang sa maibigay sa kanila ang sarili nilang ER number kapag naisumite na nila ang pinakabago nilang contribution collection list (SSS Form R-3).
Ang ER number ay maaari ring ipadala sa inyo sa pamamagitan ng email kung ang employer ay enrolled sa SSS website o kaya ay sa pamamagitan ng sulat kung naka-enroll sa Auto Debit Arrangement Program sa mga kasangkot na bangko.
“Mahalaga rin na malaman ng mga employer na ang kanilang obligasyon ay “di nagwawakas sa kanilang pagbabayad sa buwanang SSS contribution ng kanilang mga katulong. Bagkus kailangan din nilang isumite ang quarterly SSS Form R-3 upang malaman natin kung kanino dapat ma-credit at kung saan napupunta ang mga contribution, ayon pa kay G. Salolapsi”.
Ang deadline para sa pagbabayad ng SSS contribution ay nakadepende sa ika-sampung numero ng ER number:
1. 1 o 2 sa ika-10 araw ng bawat buwan;
2. 3 o 4 sa ika-15 araw ng bawat buwan;
3. 5 o 6 sa ika-20 araw ng bawat buwan;
4. 7 o 8, sa ika-25 araw ng bawat buwan;
5. 9 at 0, sa huling araw ng buwan.
Samantala ang SSS forms para sa mga employer, ay makukuha sa lahat ng sangay ng SSS at maaari ring i-download sa kanilang website (www.sss.gov.ph).