OVERWHELMING ang muling pagkakahalal ni Mayor Oscar ‘Oca’ Malapitan bilang alkalde ng Caloocan – sa susunod na tatlong taon.
Sa mahigit 280,000 votes, tinambakan ni Oca si dating Mayor Recom Echiverri na nakakuha lamang ng mahigit 100,000 na boto.
Dahil sa milya-milyang agwat sa boto, ang Oca versus Recom election 2016 ay nag-ukit ng kasaysayan ng pulitika sa Caloocan.
Ang pagkakapanalo rin ng buong ‘unity ticket’ na pinamunuan ni Oca ay maisusulat din sa libro ng political history sa lungsod.
Ang anak ni Oca na si Along Malapitan ay nagwaging kongresista sa 1st district samantalang sa 2nd district ay si Egay Erice.
Ang mga kandidato sa pagkakonsehal sa una at pangalawang distrito na bumubuo sa ‘unity ticket’ ay nagsipagwagi rin.
Matatandaang bago ang election campaign period, nagpulong ang mga kilalang politiko sa Caloocan para buuin ang ‘unity team’.
Bukod kay Oca, Egay at Along, dumating sa nasabing pulong sina dating Congressman Baby Asistio at ex-Mayor Rey Malonzo.
Sina Asistio at Malonzo ay nagpahayag ng pakikiisa sa ‘untiy team’ sabay ang pangakong hindi na sila tatakbo pa sa May 2016 election.
Ang apo ni Asistio na si L.A. at anak ni Malonzo na si PJ ay isinama sa unity team at parehong nanalo sa pagka-konsehal.
Tinawag ni Mayor Oca na ‘fruits of unity’ (bunga ng pagkakaisa) ang pagkakapanalo ng lahat ng kasama sa unity team.
Dahil magkakasama, natitiyak na maisasakatuparan ng Oca administration ang mga planong programa at proyekto para sa Calaocanians.
VK SA BATASAN AT SANGANDAAN
Parang kabute sa rami ng makina ng video-karera sa lahat ng sulok ng Novaliches, Sangandaan at Batasan areas.
Pero bakit tila, ‘di alam nina Col. Victor Pagulayan (Sangandaan) Robert Sales (Batasan) at Col. Jericho Baldeo (Nova) ang VK operation sa kanilang mga lugar.
Para sa kaalaman ng tatlong magigiting na QCPD officials, ang vk operators sa kanilang AOR ay sina Lando Manalo, Dakne Santos at Jojo Cedeno.
Sa susunod ay tatanggalan natin ng maskara ang kanilang mga protektor. Abangan. CHOKEPOINT/BONG PADUA
