SA kabila ng pagbaba-taas ng presyo ng mga produktong petrolyo sa merkado ay kabi-kabila naman ang ginagawang oil pilferage o pagpapaihi ng mga mapagsamantalang kawatan sa idini-deliver ng mga oil delivery tanker sa mga gasoline station.
Kabilang sa mga kilalang tirador ng oil pilferage o pagpapaihi ay itong alyas Palos D ng Diversion Highway, Batangas City na umano’y nagpapakilalang kapatid siya ni Batangas City Mayor Dimacuha.
Isang alyas Dondon naman ang tirador ng oil pilferage o pagpapaihi sa West Paharang, Batangas City na sinasabing matibay dahil sa kanyang mga koneksyon sa ilang tiwaling pulis sa nasabing bayan.
Kapag nagawi naman kayo sa Calatagan, Batangas, ang mga kilabot naman ng oil pilferage o pagpapaihi ay isang umano’y pulis na si SPO2 Plata at isang Danny Pineda.
Samantala, patuloy pa rin hanggang ngayon na hawak ng Bantugon Clan ang oil pilferage o paihi sa Calaca, Bauan at Mabini ng lalawigan ng Batangas pa rin.
Sinasabing malawak ang operasyon ng mga ito dahil ang kontak nila ay mismong mga opisyal sa tanggapan ng isang oil refinery company.
Harinawa, sa pag-upo ni President-elect Rodrigo “Digong” Duterte ay ilagay sa kanilang dapat na kalagyan ang mga magnanakaw na ito na sumisira sa ekonomiya ng bansa.
TOKNAKAN SA NIGHT SHIFT DISCO, GRABE
Sa Cainta, Rizal ay patuloy ang lantarang bentahan ng panandaliang aliw o toknakan blues sa Night Shift Disco na pag-aari ng isang Ka Nestor ng Ortigas Ext., Cainta, Rizal.
Grabe ang ginagawang “toknakan” sa loob ng mga VIP room ng nasabing club dahil walang bukambibig itong si Ka Nestor kundi direkta siya kay Cainta Mayor Kit Nieto.
Totoo ba ‘yan, Mayor Nieto?
oOo
Anomang puna o reklamo i-text sa 09189274764, 09266719269 o i-email sa juandesabog@yahoo.com JUAN DE SABOG/JOHNNY MAGALONA
