SA lahat yata ng gagawin ni Pres. Rodrigo Duterte, ang pinakamaganda rito ay ang ipagkakaloob niya sa mga mahihirap na Filipino na kababayan natin ang karapatan na magmina ng mga mineral sa ating bansa sa halip na mga (put….inang mga) dambuhalang korporasyon at multi-national corporation.
Ito ang magandang balita na ipinagmalaki ni Pres. Duterte sa talumpati nito sa kanyang “Thanks Giving Party” sa Crocodile Farm sa Davao City.
Espesyal na bibigyan niya ng prayoridad ang mga mahihirap na mamamayan ng Mindanao para sa pagmimina. Pero damay na rin sa grasya ang iba. (Napakaganda, ‘di po ba?)
Tama si Pres. Duterte. Nararapat lang na ang mga mahihirap nating kababayan sa Mindanao at iba pang kanugnog na lalawigan o rehiyon ang mga mahihirap na Filipino ang humawak sa pagmimina dahil ang mga malalaking korporasyon at mga dambuhalang kumpanya ay napakahabang panahon na nilang nilalapastangan ang ating likas na kayaman. Wala silang pakialam, kesehodang masira ang kalikasan. Ang mahalaga sa kanila ay ang kumita sila!
Patuturuan ni Pres. Duterte ukol sa industriya ng pagmimina ang ating mga mahihirap na Filipino at itatag ang mga “kooperatiba” na pawang mga Filipino ang nagmamay-ari.
Aniya pa,”the problem with big mining companies is they are destroying our land. Mining people must shape up. Lahat ng malalaking miners must stop, they are despoiling our land.”
Laging agrabyado ang mahihirap na taga-Mindanao at pati na rin ang small-scale miners sa industriya ng pagmimina sa southern Philippines.
Ang masakit pa raw rito, pati ang mga ‘moro people, they are in the marginal side of business.’ Dapat baguhin daw ito!
Long live Pres. Duterte.
PADER DAW SIYA KAY HEPE, SUGALAN ‘DI MATITIBAG
Sa Lian, Batangas, grabe ang talamak na sugalan sa mga peryahan ni Rodel dahil front ito ng operasyon ng iligal na pasugalan sa nasabing bayan sa Batangas.
Malakas daw siya sa hepe ng Lian kaya hindi siya matitibag.
oOo
Anomang puna o reklamo ay i-text sa 09189274764, 09266719269 o i-email sa juandesabog@yahoo.com JUAN DE SABOG/JOHNNY MAGALONA
