SEN. Joseph Victor Ejercito, anak nina nina dating Presidente at ngayon ay Manila Mayor Joseph Estrada at San Juan Mayor Guia Gomez.
Graduate ng Political Science sa Dela Salle University at minsan na rin naging ama ng San Juan City. Sa ilalim ng kanyang liderato bilang alkalde ay naging maayos ang takbo ng naabing siyudad.
Naging congressman ng San Juan at marami siyang batas na siya ang author gaya ng 149 House Bills, at 18 House resolutions, kasama na ang Kasambahay Bill.
Ipinaglaban rin niya na mabigyan na mataas na subsidiya ang State Universities at Colleges; at nanguna siya para sa pagbabago ng Sangguniang Kabataan System.
Naging Senador si Ejercito noong 2013 at nakapagsumite siya ng 117 Senate bills at 18 senate resolutions.
Siya rin ay itinalagang reserve officer ng Philippine Marine Corps na may ranggong Major at adopted member ng PMA class ’88.
Sa darating na buwan, magkakaroon tayo ng Kabataang Barangay elections sa ilalim ng Batas ng Sangguniang Kabataan Empowerment Act na kanyang inilagda.
Isang kahanga-hanga ang mga batas na naisabatas ni JV dahil parang gusto na niya na sa barangay level pa lang at sa kabataan pa lang mapraktis na ang Anti-Dynasty Law na isinusulong din niya.
Si Ejercito rin ang sumulat at nagsulong ng Magna Carta of Students Rights and Welfare na nagtatadhana ng mga karapatan ng sinomang kabataan na gustong mag aral.
Nakalahad din dito lahat ng karapatan ng mga estudyante. Si Ejercito rin ang lumagda ng Teachers’ Housing Program.
VK SA CALAMBA, TULOY PA RIN
HINDI man lang natinag o kumilos ang ilang mga kapulisan, partikular na ang bagong upong Laguna Provincial Director na si Supt. Joel Pernito, sa walang-habas na paglalatag nang unti-unti ng mga video-karera nitong si Rico ng Rizal sa Calamba, Laguna.
Aba’y ang balita, ang operasyon ng mga VK ni Rico ng Rizal ay nagsisilbing “FRONT” daw ng malawakang bentahan ng droga sa bawat pwesto nito.
Kailangan daw ang shabu sa mga naglalaro ng VK upang maging alive ang mga ito sa kanilang pagbi-VK nang walang tulugan.
oOo
Anomang puna o reklamo i-text sa 09189274864, 09266719269 o i-email sa juandesabog@yahoo.com JUAN DE SABOG/JOHNNY MAGALONA
