SANA’Y tuluyan nang masawata ng Pamahalaang Duterte ang kilabot na Abu Sayyaf group (ASG) na namumugad sa island province ng Basilan.
Mabuti at nakubkob na ng tropa ng Armed Forces of the Philippines ang lahat ng pinagkukutahan ng ASG sa Tipo-Tipo, Basilan.
Sobra na’t dapat nang masawata ang panliligalig na idinudulot ng mga bandidong iyan.
Marami-rami na ring sundalo at pulis ang nagbuwis ng buhay sa pagtugis sa ASG.
Marami na ring sibilyan ang napahamak at sobrang nahirapan sa labanan sa mahabang panahon.
Ginagamit lamang ng ASG ang mga inosenteng residente na pananggalang sa pagtugis sa kanila ng mga awtoridad.
Panahon na para tuluyang wakasan na ang kriminalidad ng grupong ‘yan tulad ng kidnapping for ransom, extortion.
Nilalason din ng ASG sa isipan ng mga kabataang mahihirap sa Muslim Mindanao para sumama sa terorismo.
Hindi gawain ng matino at mabuting Muslim ang ginagawa ng ASG.
Pinaniniwalaang mahigit dalawang dosena pa ang bihag ng ASG, kabilang ang ilang dayuhan.
Isa pa iyang panliligalig at terorismo na idinudulot nila ang magiging balakid sa progreso ng Muslim Mindanao kung magpapatuloy pa ang mga ito na gagala nang gagala.
Sobrang kahihiyan na rin sa ibayong dagat at perwisyo ang idinulot ng ASG.
Kaya dapat lang na wasakin at wakasan na ang mga demonyong ‘yan!!!
***
Welcome po ang inyong mga reaksyon, opinyon at reklamo. I-email lamang po sa etulfo2011@yahoo.com o bisitahin n’yo kami sa Erwin Tulfo Action Center sa 2nd Floor, Quedsa Plaza, Quezon Ave. cor. EDSA, Quezon City, 9am-4pm Monday-Friday. DEADSHOT/ERWIN TULFO
