KASALANAN ng tutulog-tulog at papatay-patay na dating administrasyon ni dating President Benigno Aquino III ang pagkakaagaw ng bansang Tsina sa ating mga pulo, isla at mga karagatan sa West Philippine Sea.
Dapat ay inutos na ni Noynoy Aquino na magtayo ang Philippine Navy o Coast Guard kahit na kawayan na may watawat ng Pilipinas sa mga teritoryo na ‘yan.
Kung sino ang nagtraydor o nagpabaya noon ay yan dapat ang imbestigahan ng Senado o ng Kamara ngayon para mabulgar ang katotohanan!
At bakit ba na noong nag-uumpisa pang sakupin ng Tsina ang mga teritoryo natin sa karagatan, wala namang umaatungal na dilawan?
Huli na ang lahat nang magngangakngak si Aquino.
Ano ang hakbang na isinagawa ng nakaraang administrasyon noong sumugod ang mga kapatid nating Muslim para bawiin ang Sabah sa Malaysia?
Muli, sino ang nagtraydor?
Hindi ba ipinagkanulo ang mga Filipino at binantaan pang kakasuhan ‘yung mga makababalik nang buhay sa Tawi-Tawi, Sulu?
Noong nasukol ng Muslim rebels ang mga tropa ng PNP Special Action Force, sa Mamasapano maghapon na nagbingi-bingihan at nagpatay-patay mali muli si Aquino.
Maliwanag kung sino ang traydor.
Masyadong mabigat ang mga suliranin na ipinamana kay Manong Digong ng mga korap at inutil na dating administrasyon.
At ngayon itong mga kaalyado pa ang nagmamagaling at siyang mga ngakngak nang ngakngak!!! DEADSHOT/ERWIN TULFO
