MALAKING bagay para sa CAMANAVA Press Corps kung saan ang inyong lingkod ang pangulo ang nangyaring pagsasama-sama nito at ang lungsod ng Caloocan, ang kapulisan sa pangunguna ng hepe nito na si Senior Supt. Chito Bersaluna at ang pinaka-involved sa serbisyo-publiko na Rotary Club of Metro East Caloocan, lalo’t pamumunuan ito ng kanilang incoming president na si Bernard Bernabe.
Kaya naman, hindi nag-atubili ang aking grupo na makiisa dahil iisa lang naman ang layunin ng mga ito, ang magbigay ng libreng serbisyo o tulong, lalong-lalo na sa mga taong salat sa buhay at walang kakayahang makamtan ang mahahalagang bagay na kailangan nila sa kanilang pang-araw-araw na buhay.
Mas malaking bagay kung makasama nito ang pamahalaang lungsod sa pangunguna ni Mayor Oca Malapitan at Vice Mayor Maca Asistio na parehong subok at aktibo sa pagtulong, lalo na sa mga mahihirap at ang mahusay at matulungin ding si Col. Bersaluna at ang kanyang kapulisan.
At syempre pa ang RCMEC na nauna nang matagumpay na pinamunuan ng mga dating Pangulo nito na sina kasamang Arnel Dimalanta at aking kumpare na si Manny Tan, ang kasalukuyang presidente na si kasamang Henry Doria at ang susunod na Pangulo nito na si kasamang Bernard ng Siomai House, Bernabest Foodhouse Corp., ang gumagawa ng popular at napakalinamnam na siomai.
Sadyang gigil sa serbisyo-publiko ang mga nagkaisang grupo kaya agad nagsagawa ito kamakailan lang ng Operation: Tuli (circumcision) sa Barangay 5 kung saan may 100 na batang lalaki ang nakinabang at agad sinundan ito ng kauna-unahang proyekto nitong nakaraang Semana Santa, ang Pabasa 2017.
T’yak marami pa ang susunod na programa ng pinagkaisang samahan at karangalan ko rin na mabigyang-pansin itong si kasamang Bernard dahil hindi na yata ito naka-focus sa kanilang family business. Sa halip ay mag-isip at magsagawa ito ng kabi-kabilang proyekto para sa mahihirap na tao. Iba ka talaga!
In fact, si kasamang Bernard ang nag-initiate na magsama-sama ang mga grupong ito para sa interes ng mga residente ng lungsod. At tama lang na ma-recognize rin ng inyong lingkod itong napakagaling at napakasipag na si SPO2 Art Macapugay, ang Chief Clerk ng Police Community Relations ng Caloocan police.
May your tribe multiply. GOOD RIDDANCE/ARLIE CALALO
