BIGYAN natin ng oras na mailahad ang samu’t saring reklamo ng ating mga suking mambabasa ng pahayagang ito para malaman at maaksyunan ng mga kinauukulan.
Pinag-isa na lamang natin ang mga ito at heto ang kanilang mga reklamo.
BASURAAAAA
Magandang umaga po, Mr. Juan De Sabog. Ako po ay isang concerned citizen dito sa Tanza, Cavite, partikular na sa Brgy. Punta 1, Punta 2, Bagtas. Matagal na pong hindi pumupunta ang garbage truck sa aming lugar kaya masyado na pong overflowing ang sangkatutak na basura.
Hindi po kumikilos ang lokal na pamahalaan ng Tanza para hakutin ng mga basurero ang gabundok na basura na dinadapuan ng mga langaw at bangaw. Pati ang naglalakihang daga ay isa-isa nang nagsusulputan para manginain ng mga nabubulok na basura. Sana naman ay umaksyon ang aming alkalde.
SOBRANG ORAS, HINDI O.T.; MAY GANU’N BA?
Gud am po. Isa po akong citizen dito sa Trece Martires, Cavite. Sir Johnny, gusto ko lang i-share sa inyo itong reklamo ng ilang empleyado ng KFC SM sa Trece Martires.
Palagi raw ine-extend ang oras nilang crews at cashiers pero hindi naman binabayaran as an overtime.
Ang katwiran daw ng boss ay for charity raw. May ganoon ba? Sana aksyunan ito ng Department of Labor and Employment (DOLE). Salamat po.
PATI ESTUDYANTE PINAGBABAYAD NG PTA
Gud am po, Sir Johnny Magalona. Isa akong concerned parent dito sa Tanza, Cavite. Idaraing ko lang sa inyo ang tungkol sa iskul na pinapasukan ng anak ko sa Tanza National Trade School dito sa Brgy. Paradahan, Tanza, Cavite.
Tama bang obligahin ng pamunuan ng Tanza National Trade School ang mga estudyante na magbayad ng P100 para sa PTA?
Opo sa kanila ay maliit lang ang halagang P100 pero, sa katulad naming mahihirap, ang P100 ay pagkain na namin sa buong maghapon.
Pakikalampag lang, Sir Johnny, ang reklamo naming magulang.
Salamat.
SAKLAAN NAKATIMBRE
Sa kabila ng mahigpit na kampanya sa “one time bigtime” operasyon ng PNP ay patuloy naman sa pamamayagpag ang saklaang may patay at walang patay ni alyas Erick sa mga bayan ng Tanza at Rosario, Cavite.
Panis ang propagandang operasyon ng PNP dahil hanggang ngayon hindi pa rin matibag-tibag ang pasaklaan ni Erick sa lalawigan ng Cavite.
E kasi nakatimbre. Tangina n’yo!
oOo
Anomang reklamo o puna i-text sa 09189274764, 09266719269 o i-email sa juandesabog@yahoo.com. JUAN DE SABOG/JOHNNY MAGALONA
