MAS paigtingin dapat ng Philippine National Police at PDEA ang kampanya laban sa mga sindikato sa iligal na droga na diumano’y nagpopondo sa mga grupo ng terorista, partikular na sa Mindanao.
Ngayong administrasyon lamang naibulgar nang husto ang malawak na sabwatan ng mga politiko, tulad ng local officials na mga mayor, barangay captain at iba pa sa illegal drugs trafficking.
Nitong nakaraang linggo ay isiniwalat ni Pangulong Duterte ang updated na “drugs matrix” na nagsasaad ng network ng mga politikong druglord at ugnayan nila sa mga terorista.
Hindi biro ang pagkakasangkot nitong mga narco-politicians sa terorista na alyado sa Islamic State o ISIS.
Bago pa naghasik ng lagim ang Maute Group at mga kasama nitong Abu Sayyaf Group sa Marawi City, dati nang sangkot sa kriminalidad ang mga ito tulad ng kidnapping for ransom at shabu trafficking.
Lalong pag-ibayuhin dapat ang mga police raid sa mga drug den ng mga tukoy na narco-politician sa buong kapuluan.
Makaraan ang maraming dekada, ngayon lamang nagkaroon ng seryoso at puspusang pagtugis sa mga mafia ng droga na sumisira sa milyon-milyong kabataan pati na mga may edad.
Hindi kaila kaninoman ang salot na idinudulot ng adiksyon sa droga na walang pinipili, bata man o matanda, mahirap man o mayaman.
Huwag lubayan ‘yang mga hayup na narco-politician na supporter ng mga terorista!!!
***
Matutunghayan po ang inyong lingcod 12noon-2pm sa Radyo Pilipinas, 738AM band at 6pm-7pm sa PTV4 News, Lunes-Biyernes. Mapapanood ang mga naturang programa sa aking Facebook sa Erwin Tulfo Live @erwintulforeal. Maraming salamat sa inyong lahat. DEADSHOT/ERWIN TULFO
