KITANG-KITA na dumagsa ang tao sa compound at mga kalyeng malapit sa Senado nitong nakalipas na February 19, Lunes, bilang suporta sa taong pinaka-pinagkakatiwalaan ni Pangulong Rodrigo Roa Duterte.
Malinaw kasi na ang pag-atakeng ginagawa ng oposisyon lalo’t higit si Senador Antonio Trillanes kay Bong Go ay pagyurak din sa administrasyong Duterte.
Maging ang mga opisyal ng pamahalaan, lalo’t higit ang mga miyembro ng Gabinete, ay pumunta rin sa nasabing hearing, isang malinaw na indikasyon na ang laban ni Bong Go ay laban din ng buong administrasyong Duterte at ng mamamayang Pilipino.
Klaro na ang paggiba kay Special Assistant to the President Bong Go ay isang bahagdan o “attempt” ng LP na pilit idawit si Pangulong Digong sa naturang anomalya pero sa halip na sa Duterte admin lumatay ay sa nakalipas na administration pa ito nakasakit.
Tagos din sa pag-aanalisa ng tao, na hilaw ang banat nina Senador Antonio Trillanes at Rissa Hontiveros kay Go dahil malinaw na kapag hinukay pa nila ang “frigate deal” ay lalatay na ito ng husto sa nakalipas na Aquino administration lalo’t higit sa kanilang poon na si Noynoy.
Lumabas din sa pagdinig na tinawag ni Go na “photo finish” deal ang frigate transaction dahil halos isang buwan na lamang ang gobyernong Aquino noong tapusin nila ang pag-apruba rito.
Midnight deal ang frigate deal, ayon pa kay Duterte Youth leader na si Ronald Cardena, dahil malinaw na ito’y mukhang pabaon na lamang ng nakalipas na rehimen.
Gising na ang taumbayan sa mga maruruming kilos ng LP kaya ang sinabi ni Bong Go na nangangarap ang ng Edsa 3 ay isang panaginip na lamang. ALINGAWNGAW/ALVIN FELICIANO
