KASABAYng pagtatapos ng selebrasyon ng ika-apat na World Water Day.PH 2018 (WWD.PH) Awards ay isinagawa rin ang pagkilala at pagpaparangal sa labing-walong water champions sa pangunguna ng Maynilad at National Water Resources Board (NWRB).
Pangunahin sa mga nabigyang-parangal ay mga indibidwal, istitusyon at programa na nagkaroon ng malaking ambag sa pagkamit ng water at environmental sustainability sa bansa. Mataas ang pagkilala ng institusyon sa mga samahang tumultuong upang maprotektahan ang mga lawa at ilog.
Kabilang sa mga samahang nagmarka dahil sa kanilang gawaing ay ang Better Tunasan River Army, Cabuyao River Protection Advocates (CaRPA), Philippine Coast Guard – Pasig at Villar Sipag Foundation.
Nabigyang parangal din ang water districts ng Metro Naga, mga syudad ng Silay at Butuan; Manila North Tollways Corporation, Unilever Philippines at Mamamayan para sa Lambat at Dagat Cooperative (private groups).
Kinilala rin ang lokal na pamahalaan ng Taguig at Department of Public Works and Highways (DPWH)-Solid Waste Management Policy Technical Working Group (government) para sa kanilang pagpupursige sa larangan ng management at environment conservation.
Samantala, ang programang “Tanaw de Rizal” sa larangan ng eco-tourism ang kaisa-isang proyektong kinilala sa taong ito.
Sa katergorya ng Individual “water champions” naman nangibabaw sina Mandy Mariño ng San Pablo Laguna, Engr. Reynaldo Rosario ng DPWH-NCR, Kagawad Annie Baluyot ng siyudad ng Valenzuela, Lydia Codiñera ng Samahang Tubig Maynilad-Tondo, and Engr. Ma. Teresa Combatir of the Philippine Association of Water Districts (PAWD).
“Mula noong 2015, umabot na sa 54 Filipino water champions ang nabigyang pagkilalala sa World Water Day Awards. Masaya kaming bawat taon ay mayroong bagong indibidwal o grupo na nakapag-uuwi ng parangal, nangangahulugan lamang ito na mayroong taong nagmamalakit sa kapaligiran,” pahayag ng Presidente at CEO ng Maynilad, Ramoncito S. Fernandez. ANG INYONG LINGKOD/ HILDA ONG
