PINASASALAMATAN ko ang mga dakilang mamamayan ng Maynila sa paglalagay ninyo ng isang tunay na anak ng Maynila sa pagpapatakbo ng punong lungsod ng Pilipinas.
Sa araw na ito ay ipinamalas n’yong lahat na nais n’yong makita ang muling pagsilang ng Maynila bilang ”Queen City of the Pacific,” ang “Perlas ng Silanganan.” Ito ay kapwa isang hamon at isang lubos na mabigat na pananagutan nakaatang sa balikat nating lahat lalo na sa akin at sa mga kasamahan kong opisyal na ini-halal ninyo sa puwesto.
Mahal kong mga Manileño hindi ko kayo bibiguin. Ako ay isinilang sa Maynila at mamamatay na patuloy na lumalaban para ibalik ang ganda at kadakilaan ng Maynila. Ngunit hinihiling ko na patuloy n’yo akong tulungan ngayon higit kailanman.
Nagpapasalamat ako sa inyong suporta at patuloy na humihingi ng inyong tulong sa aking pagsisilbi sa lungsod.
Hindi ko maipapanalo ang eleksyong ito kung wala kayo at hindi rin ako magtatagumpay sa pagkakamit ng ating pangarap para sa Maynila kung hindi ninyo ako tutulungan.
Ito ay isa lamang sa mga sinabi ni dating Pangulong Erap Estrada sa kanyang taos-pusong pagpapasalamat sa mga Manileño.
MAY 2013, MAPAYAPANG ELECTIONS
Sa katatapos ng 2013 midterm elections ay naitala sa kauna-unahang kasaysayan ang matahimik at mapayapang halalan na naganap sa buong kasaysayan ng eleksyon.
Mula Enero hanggang Mayo 13 election ay nagkaroon lang ng record low na 75 election related casualties kumpara sa 146 noong 2010 elections at 129 naman noong 2007.
Ang matagumpay na peace and order kaugnay sa katatapos na halalan ay dahil na rin sa maagang preparasyon na ginawa ng PNP sa pangunguna ni PNP chief Gen. Alan Purisima.
