KINUMPIRMA kamakailan lamang ng Pag-IBIG ang kanyang pananagutan sa local government units, para sa probisyon ng abot-kayang pabahay. Si Vice President and Pag-IBIG Fund Chairman Jejomar C. Binay ay inasistehan ni Pag-IBIG Fund Chief Executive Officer (CEO) Atty. Darlene Marie B. Berberabe sa pagkakaloob ng tseke, na nagkakahalaga ng P6,239,648.50, na kumakatawan sa 17 Bistekville-2 housing loan accounts na inilabas ng Fund sa ilalim ng kanyang End-User Financing (EUF) program kay Quezon City Mayor Herbert Bautista.
Ang Bistekville-2 ay isa sa pinakauna sa dalawang proyekto ng Quezon City Task Force on Socialized Housing and Development of Blighted Areas. Ang proyektong pabahay, ay makikita sa kabayanan ng Novaliches, ito ay madaling marating sa pamamagitan ng pampublikong sasakyan, at malapit sa mga commercial center.
Ang pag-IBIG Fund ay nagkakaloob ng home financing sa mga kwalipikadong Bistekville-2 beneficiaries. Ang Fund ay magpi-finance rin sa pagkuha ng 53 teachers ng kanilang housing units sa Bistekville-1.
“Kami na nasa Pag-IBIG Fund, ay nananagot na madama ng miyembro ang aming presensya sa mga socialized housing projects,” wika ni Vice President Binay.
Ang Bistekville-2 beneficiaries ng Fund ay kinabibilangan ng mga government employees sa Quezon City at Informal Settler Families (ISFs) na dating nagsisipanirahan sa mga waterways na matatagpuan sa siyudad.
“Sa kasalukuyan ay isinasaayos namin ang 98 accounts na nakaukol sa Bistekville-2 project sa ilalim ng EUF program, 21 na sa mga pabahay ang nagkaroon na ng mga nagmamay-ari, samantalang, ang 42 ay na-bigyan na rin ng Notice of Approval,” ayon pa kay Atty. Berberabe.
“Inaayos at dini-develop pa namin ang programa na pahihintulutan ang ating mga kaanib na magkaroon ng sariling tahanan para sa kanilang pamilya sa abot-kayang halaga, ito ang aming naisin para sa lahat ng kaanib,” paghihimatong ni Atty. Berberabe.
The post PAG-IBIG FUND NAGBIGAY NG HOME FINANCING SA BISTEKVILLE-2 HOUSING BENEFICIARIES appeared first on Remate.
