BILANG bahagi ng national relief and rehabilitation efforts sa kasagsagan ng mapaminsalang bagyong Yolanda. Ang Social Security System (SSS) ay naglabas ng Calamity Relief Package na nag-aalok ng preferential terms para sa mga kaanib sa kanilang salary at house repair loans, at ng hanggang 3 buwang advance na pensions para sa mga pensiyonadong naapektuhan ng mapaminsalang bagyo.
Si SSS Vice President and Officer-in-Charge for Lending Asset Management Division, May Catherine Ciriaco, ay nagsabi na ang Social Security Commission (SSC) ay nag-apruba ng SSS relief package para sa mga kaanib at mga pensiyonado na apektado ng bagyong Yolanda, sa mga calamity area na opisyal na idineklara ng National Disaster Risk Reduction and Management Council (NDRRMC).
“Sa ilalim ng calamity relief package, ang mga kaanib at pensiyonado ay mayroong 6 na buwan upang mag-apply para sa kanilang salary loans at 3 buwang advance pensions, at 1 taon naman para sa kanilang House Repair and Improvement Loans,” ayon sa kanya, “ang mahabang deadline, ay magpapahintulot sa mga pensioner at mga kaanib nito na asikasuhin muna nila ang iba pang mahahalaga nilang pangangailangan, tulad ng pagpapagaling sa pinsala sa katawan at pagtulong sa kanilang iba pang apektadong kamag-anak at saka na lang nila i-file ang kanilang application kung maayos na ang lahat.
Sinabi rin ni Ciriaco na ang mga bago at dati pa na may loan ay parehong makapaglo-loan ng Calamity Relief Package. ‘Yun namang kasalukuyang nanghihiram, kasama na rin ‘yung may sanctions on loan renewal bilang resulta ng dati pa nilang hiniram sa SSS Loan Penalty Condonation Program, ay maaaring mag-apply ng Salary Loan Early Renewal Program (SLERP).
The post SSS CALAMITY RELIEF PACKAGE PARA SA SINALANTA NG TYPHOON YOLANDA appeared first on Remate.
