KAMBAL ang hapdi na nararamdaman ng mga pamilya ng 32 journalists na pinaslang ng mga Ampatuan.
Kahapon, pagkaraan ng apat na taon ay batid ng buong daigdig na wala pang natatanaw ni pusikit na liwanag kung mabibigyan nga ba ng hustisya ang kanilang mga biktima!
Kung gaano kabilis, parekoy, mangako si PNoy noong kampanya niya na aalayan “daw” ng hustisya ang kawawang mga mamamahayag ay siya namang kupad ng pag-usad nito.
Ayon nga sa aking aydul, dalawa lang ang “justice” na naibigay ni PNoy para sa aking mga kabaro na pinaslang ng mga Ampatuan. Sina “justice delayed” at “justice denied.”
Ang higit na nakapagdulot ng hapdi sa pamilya ng mga biktima ay ang pahayag ni S/Insp. Al Paglinawan ng PNP Directorate for Investigation and Detective Management and “Task Force Usig”, kaugnay sa kahayupan ng Ampatuan, kung pagbabasehan, aniya, ang kanilang “parameters.”
“The killing of some 32 journalists and media practitioners is not considered as a work-related violence by the PNP but is still being tagged as an election related violence.”
Pakinggan mo, S/Insp. Paglinawan, para magkaroon ka ng pagkakataon na rebisahin ‘yang hijo-de putang parameter ninyo na ‘yan.
Ang aking mga kabaro ay kapiling sana noon ng kanilang mga pamilya o abala sa ibang tungkulin, hanggang sa makatanggap ng “info” na kakatayin ng mga demonyong Ampatuan ang sinomang pamilya Mangudadatu na magpa-file ng “certificate of candidacy.”
Kung sila ay hindi sana mga mamamahayag ay tiyak na wala sila sa pinangyarihan ng krimen at hindi sana nadamay. Kung sila ay mahilig sa haka-haka ay maaaring iuulat na lang agad-agad ang “info” na kanilang natanggap.
Pero dahil sila ay mga mamamahayag na gusto ay accurate o factual ang iuulat sa kani-kanilang medium, kaya pinili nilang iwan ang pamilya at sumuong sa panganib.
Sumama sila sa convoy ng mga Mangudadatu sa pag-file ng COC, marahil para pasinungalingan ang naunang info.
Hindi naman nila sukat akalain na talagang halimaw itong mga Ampatuan, na maliban sa pamilya na kanilang target ay pinagkakatay pa ng mga impakto maging ang mga mamamahayag.
Sige nga, S/Insp. Paglinawan, ngayon mo sabihing hindi “work related” ang kahindik-hindik na kanilang sinapit! Ngayon mo sabihin na ang kanilang kamatayan ay hindi akma sa inyong “parameter!”
Kundi ka ba naman isanlibo’t kalahating gago na animal ka! Pumarehas ka… Letse!
The post GAGONG PAHAYAG NG TASK FORCE USIG appeared first on Remate.
