HINDI pa man nag-iinit ang wetpu ni CIDG Chief Gen. Benjamin Magalong ay patuloy na sa ginagawang pangongotong sa mga iligal na pasugalan, vendors at iba pang vices ang isang Sgt. Unamis alyas ‘Omar.’
Ibang klase itong si Sgt. Unamis dahil wala siyang pinatatawad kahit sugal lupa o kakaning-itik ay kanyang kinokotongan.
Hindi ko lang alam kung may go signal si Gen. Magalong sa mamang ito.
Biruin ninyo, hindi pa man nag-iinit ang wetpu ni Gen. Magalong ay gasgas na gasgas na ang pangalan nito.
Gen. Magalong, kung hindi ninyo susugpuin si Sgt. Unamis, baka maglaho kayo nang parang bula sa CIDG! Hehehehee…
ANG NCRPO TONG-COLLECTOR
Isang Sgt. Lumba alyas ‘Fred Tisoy’ naman ang gamit na gamit daw ni NCRPO Chief Gen. Carmelo Valmoria sa pangongotong ng lingguhang i.n.t. sa mga iligal na pasugalan at iba pang vices sa buong Metro Manila.
Ang balita ko, matagal na raw na kumokolekta ng lingguhang i.n.t. (payola) itong si Sgt. Lumba sa mga iligalista simula pa noong si Gen. Marcelo Garbo ang NCRPO chief.
Walang kinatatakutan si Sgt. Lumba sa ginagawa nitong pangongotong dahil sa may kinakapitan siya. Hindi ko sinasabing si Gen. Garbo ang kinakapitan ni Sgt. Lumba na opisyal sa PNP. Pero ‘yan lang ang naririnig ko sa Crame!
PUTAHAN NG HAPONES SA PASAY, TULOY
HINDI pa rin daw tumitigil sa pagpapalabas ng prostitusyon sa Universe Girl Club na pag-aari ng Japanese national na si Kenjie Suzuki sa Pasay City.
Patuloy pa rin na ibinebenta ni Suzuki ang mga babaeng nagtatrabaho sa kanyang bahay-putahan.
Ang mag-utol na Hiroshie at Kenjie Akiba ang ipino-front ni Suzuki sa club nito para nga naman kapag nagkabulilyaso ay hindi siya madamay.
Ano ba ito IJM, NBI at PNP? Aksyon!
Anoman ang reklamo, mangyari ay i-text lang sa 09189274764, 09266719269 o i-email sa juandesabog@yahoo.com.
The post KAUUPO PA LANG SA CIDG MAY NANGONGOTONG NA appeared first on Remate.
