ANG hangarin ng Philippine Health Insurance Corporation ay upang lalong mapalawak ang kanilang mga benepisyo, hindi lamang sa mahihirap kundi sa lahat ng sektor.
Susundan pa ito ng kanilang PCB 2 Package kung saan covered ang mga gamot para sa mga karamdaman tulad ng diabetes, hypertension, at dyslipidemia na pawang lifestyle-related at bunga na rin ng pagbabago sa ating kapaligiran.
Humihingi ng pang-unawa ang PhilHealth sa bawat miyembro, “kung may mga nabigla sa nasabing premium adjustment. Ito po ay idinaan namin sa tamang proseso at sinikap na ikonsulta sa lahat ng kinauukulan. Ito ay naanunsiyo rin namin sa nakaraang dalawang taon.
Sa nasabing adjustment ay tinitiyak po namin ang patuloy na paglawak at pagbuti ng mga benepisyo para tunay na maramdaman ng ating mga miyembro ang suportang pinansyal ng kanilang PhilHealth at ng pamahalaan.
Wala pong katotohanan na ito ay nagpondo ng pagtaas ng suweldo, dagdag na bonus o pagtakip sa kulang na pondo, at lalong walang katotohanan na nagkaroon ng bonus ang bawat direktor ng aming board.
Kami po ay umaasa na nabigyang-linaw namin ang bagay na ito. Ang mga kawani at opisyales ng PhilHealth ay patuloy na nangangako ng taos pusong serbisyo dahil hangarin po namin na mapaglingkuran ang sambayanang Filipino sa abot ng aming makakaya.
Ang PhilHealth ay bukas sa anomang katanungan at ang kanilang mga libro at tanggapan ay bukas sa lahat ng nagnanais malaman ang katayuan at pamamahala ng ating pondo.
“Bawat Filipino, miyembro. Bawat miyembro, protektado. Kalusugan natin, sigurado.”
The post ANG HANGARIN AT KATOTOHANAN SA PHILHEALTH ADJUSTED PREMIUM appeared first on Remate.