PINAIKLI ng Social Security System (SSS) ang oras ng pagproseso sa members’ identification cards, at ito ay ginawa na lamang na 10 working days, nang sa gayon ay maalis ang production backlog at makita ang kabuuang bilang ng mga naisyu nang IDs sa ilalim ng Unified Multi-purpose Identification System (UMID), sa mahigit tatlong milyon sa kasalukuyan.10-working day ang processing time, ito’y magsisimula sa petsa ng aplikasyon hanggang sa pag-release ng UMID card package at maibigay sa Philippine Postal Corporation (Phil-Post) para sa paghahatid sa mailing address ng mga kaanib.
“Ang produksyon ng UMID ay sumasakop nang mahigit pa sa pag-print ng larawan ng mga kaanib, gayundin sa mga detalyeng personal sa isang plastic card. Ang sistema ay gumagamit ng biometric technology upang kumpirmahin ang person’s identity ng isang tao para ma-prevent ang pagbibigay ng higit sa isang UMID card na maaaring magamit sa pandaraya sa SSS sa mga benepisyo at serbisyo na maaaring makuha ng mga taong may masamang mithiin,” ayon pa kay SSS.
Ang mga kaanib na kukuha ng kanilang UMID cards ay dapat na magpakita ng kanilang primary ID o dokumento na tulad ng government issued IDs, birth or baptismal certificate, or company ID.
Dalawang secondary IDs at mga dokumento na ang isa ay nagtataglay ng larawan ng kaanib, na magagamit din sa pagkuha sa card.
“Ang representative, maaari ding kunin ang UMID card kung wala ang tunay na kaanib sa paraang pagpapakita ng letter of authorization. Ang sulat ay kailangang pirmado ng kaanib at nakasaad sa kanyang sulat ang IDs ng SSS member at representative na kukuha para sa kanya. Ipakikita ng representative sa pagkuha nito sa UMID card. Ang SSS identification requirements para sa kinatawan ay katulad din ng sa kaanib,” ayon sa paglilinaw ng SSS.
The post PINAIKLI NG SSS ANG PANAHON NG PAGPROSESO SA UMID CARDS appeared first on Remate.
