ANG Pilipinas ay biniyayaan at pinalilibutan ng mga tubig tulad ng ilog at dagat pero dahil sa sobra-sobrang pag-aaksaya natin, mauubos din ito. Kaya dapat natin itong alagaan dahil maraming bagay ang pinagagamitan nito.
Ang pagpasok ng summer season at sa kakulangan ng ulan ay magdudulot ng pagbaba ng water level sa mga dam na siyang pinanggagalingan ng ating suplay ng tubig. Kapag ito’y mangyayari, siguradong magkakaroon ng shortage sa tubig.
Maging alisto tayong lahat, huwag mag-aksaya, dapat ituro ng mga magulang at guro sa mga bata ang kahalaganhan ng pagtitipid at sa paggamit ng tubig sa bahay at sa opisina.
Ang pamunuan ng National Water Resources Board (NWRB), laging magpapaalala sa publiko sa tamang paggamit ng tubig.
1. Mag-shower nang madalian pero mas makatitipid kung gagamit tayo ng tabo at tubig sa balde.
2. Mas mainam kung tayo ay nakatayo sa loob ng palanggana upang magamit muli ang tubig sa pagpa-flush ng toilet.
3. Iwasan ang mga hindi kinakailangang pagpa-flush ng toilet.
4. Isara ang shower habang nagsasabon at paghuhugas ng labahan.
5. Isara ang gripo habang nagsisipilyo o nag-aahit.
6. Gumamit ng baso sa pagsisipilyo.
7. Huwag magtapon ng upos ng tissue paper, sanitary napkin, sigarilyo at iba pang dumi sa toilet bowl. Ang mga papel at upos na inyong ipina-flush ay gumagamit ng 5 hanggang 7 galon ng tubig.
8. Gumamit ng palanggana sa paghuhugas ng mga gulay, isda, plato at iba pa.
9. kahit kayo’y naghihilamos at naghuhugas ng kamay, maiman na gumamit din ng palanggana.
10. Huwag gumamit ng water hose sa paglilinis ng inyong sasakyan, hagdan o sidewalk. Gumamit ng timba.
The post LIMITAHAN ANG PAGGAMIT NG TUBIG: PAALALA MULA SA NWRB appeared first on Remate.
