ANG sabi ni Pangulong Noynoy Aquino, ang EDSA People Power Revolution ay hindi sa EDSA nag-umpisa kundi sa Cebu City.
Ito na yata talaga ang tinatawag na new normal o new geography. Baka sa susunod ay may magsabi sa atin na ang Battle of Mactan ay sa Cebu nangyari at hindi sa dalampasigan ng Lapu-Lapu City.
Nakalilito na yata ngayon ang geography, pati na history. Kung minsan ay parang story telling, kaya lang ay mukhang story telling a lie.
Bakit sinabi ni Noynoy na ang EDSA Revolution ay nag-umpisa sa Cebu at hindi sa EDSA?
“Dahil bago mag-umpisa sa EDSA ang revolution ay naroon na sa Cebu ang future President na si Cory Aquino,” wika ni Noynoy.
Version siyempre ‘yan ng kanyang ina. Sino ba naman ang magkakampi kundi ang mga mag-ina.
Baka kailangan na talagang baguhin ang ating mga history textbook na ang mga nagsulat ay mga taong-tao lamang.
“Let history judge them,” ang kadalasang palusot ng iba. Ang problema nga lamang, who will judge the historian? Ang mga textbook writer ba na arkilado ng gobyerno katulad ng Department of Education?
Mahirap arukin ang mga historian. Hindi mo malaman kung sila ba ay bayarang katulad ni Antonio Pigafetta na manunulat ni Ferdinand Magellan sa Battle of Mactan.
Pro-Magellan ang Cebu, at naroon ang krus ng pasakit na itinanim ni Magellan.
Wala yata akong nakitang rebulto ni Lapu-Lapu sa Cebu pero sa Mactan ay mayroon.
Baka sa susunod ay palitan na ang Battle of Mactan to Battle of Cebu, at ang EDSA Revolution ay tawagin ng Osmeña Ave. Revolution.
Mayroon nga ring gustong palitan na ang EDSA (Epifanio delos Santos Ave.) at ibalik na lang ito sa Highway 54, sa dami ng highway robbery sa kalyeng ito.
The post STORY TELLING A LIE appeared first on Remate.
