NOONG March 17, 2014, idinaos ang Kick-Off ng World Water Day 2014 na may temang “Water is Power”. Ito ay ginanap sa Angat Dam, Brgy. San Lorenzo, Norzagaray, Bulacan.
Dinaluhan ng mga ahensya ng pamahalaan, tulad ng NAPOCOR, DENR at MWSS ang naturang Kick-Off. Pagkatapos ng seremonya ng pagbubukas, nagkaroon ng “Water Energy Tour Nexus” sa Angat Dam, Ipo Dam, La Mesa Dam, sa pangunguna ng DENR, NAPOCOR, NIA, MWSS, Manila Water at Maynilad.
Ngayon, March 20, 2014, gaganapin ang isang forum na tatalakay sa Water at Energy sa UP College of Engineering. Nakatakdang maging punong abala si Dr. Sevillo D. David ng National Water Resources Board (NWRB), kasama ang Maynilad Water at Department of Energy (DOE).
-oOo-
WATER BODIES SA ILALIM NG DENR
ANG Department of Environment and Natural Resources (DENR) ay nagklasipika ng 21 bagong water bodies. Ipinaliwanag ni DENR Secretary Ramon J.P. Paje, ang nakatukoy ng water bodies sa Visayas na bumabagsak sa ilalim ng kategoryang “Class SB”, o ‘yung mga nababagay para sa commercial propagation at pag-ani ng shellfishes, at mabigyang halaga ang national marine reserves and coral reef parks. Kasama rin dito ang tubig sa baybaying dagat ng Barangays 3, Dalipe at Madraca sa San Jose, Iloilo; at ang katubigan na may higit 3 kilometro sa baybay dagat ng Toledo-Balamban, sa Toledo City, Cebu.
Ang tubig sa baybayin na nasa ilalim ng “Class SB”, na pinapayagang gamitin sa recreational activities tulad halimbawa sa pagligo, paglangoy at skin diving ay sakop ang nasa paligid ng isla ng Maniwaya Island sa Marinduque; Barangay 4, San Pedro, Mojon, Magcalon, San Fernando, Malaiba, Maybato Norte at Maybato Sur sa San Jose, Iloilo; Albay Gulf sa Albay at Sorsogon; at mga katubigan na may layong 3 kilometro sa baybayin ng Toledo-Balamban sa Cebu.
The post NWRB WATER AND ENERGY FORUM appeared first on Remate.
