KARUGTONG ito ng pagsisiwalat sa nabinbin na kaso ukol sa “Sex for Flight” na ibinulgar ng isang OFW sa Saudi Arabia.
Inabsuwelto umano ni DOLE Sec. Rosalinda Bal-doz ang mga opisyal na kapanalig niya na nakabase sa Middle East countries.
Kabilang sina Atty. Leah Fortuna (DOLE) at Atty. Duquez (POEA) ang bumubuo ng investigation panel.
Sa imbestigasyon ay nabulgar ang reklamo ng mga OFW sa mga pagmamalabis ng ilan sa mga nakaupong opisyal na tinawag na ‘salot’.
Kasama sa mga inimbitahan ang nasabing OFW, na ayon sa kanya, ay kinasangkapan lamang daw siya para palabasin na makabuluhan ang naging imbestigasyon.
Ang nakapanlalambot daw rito ay noong inabsuwelto ni Sec. Baldoz ang mga opisyal na umabuso, nanamantala at nagpabaya sa mga kababaihang OFW na biktima ng ‘sex-for-flight’.
Kabilang sa mga ito ay sina Mario Antonio (Jordan), Adam Musa (Al Khobar, KSA) at Antonio Villafuerte (Riyadh, KSA) na matapos na magpaliwanag ukol sa kanilang panig sa paratang sa kanila.
Pero hindi naman kumbinsido ang mga Filipino sa naging paliwanag nila.
May karugtong pa.
KALIWA’T KANAN NA TONG-COLLECTION
Kaliwa’t kanan na naman ang mga pasugalan sa Maynila na kung saan ay kabi-kabila rin ang pangongotong ng mga taga-MPD.
Isang SPO1 Zhornack ang nagpapakilalang collector siya sa mga pasugalan ng isang Major Guanzon ng DSOU.
PS1 AT PS7 ANG SAKOP NG COLLECTION
Bilib naman ako rito sa bagman ng PS1 at PS7 na si PO2 Onad Bautista dahil siya ang taga-kolekta ng mga pasugalan at vendors sa sakop ng PS1 at PS7.
Walang ginagawa ang pulis na ito kundi ang ipangotong ang mga boss niya sa PS1 at PS7 ng Manila Police Department.
o0o
Anomang reklamo o puna ay i-text lang sa 09189-274764,09266719269 o i-email sa juandesabog@yahoo.com.
The post MGA OPISYAL NA SANGKOT SA SEX FOR FLIGHT, INABSUWELTO appeared first on Remate.
