KAPAG bumaba ang lebel ng tubig sa mga dam, humihina ang daloy ng tubig patungo sa ating mga gripo na nagreresulta sa mga water interruption. Alam naman natin na ang isa sa pinagkukunan natin ng masaganang tubig ay mga irigasyon na matatagpuan sa mga malalayong lugar, tulad sa mga bukirin at malalayong barangay.
Ang irigasyon, ang pangunahing pinagkukunan ng tubig ng mga bukirin at taniman ng gulay na sahod ulan, ibig-sabihin, kung hindi uulan o kaya ay sa panahon ng tag-ulan e walang magagamit na tubig ang pananim sa dakong naturan.
Kung nais magkaroon ng masaganang tubig, kailangan palaging sumangguni sa mga eksperto sa tubig at iyan ay walang iba kundi ang NWRB. Sa puntong ito, nararapat lamang na ipaalam ng NIA at Irrigators Association (IA) ang tiyak na lugar kung saan may tiyak na potensyal na pagkukunan ng tubig lalo na sa mga liblib na lugar upang magkaroon ng koordinasyon ang mga ahens’ya lalo na ang NWRB.
Sa pamamagitan ng pagtutuwang ng National Water Resources Board (NWRB) at National Irrigation Administration (NIA), ang dalawang ahensya, ay lalong magkakaroon ng linaw ang inaasam nang matagal ng mga magsasaka, na mapaunlad ang sistema ng irigasyon sa bansa, nang sa gayon magkakaroon na sila ng masaganang ani sa mga pananim.
Bilang bagong inilagay na Administrador ng NIA, ipinakilala ni Engineer Florencio F. Padernal, ang kanyang sarili, at ang mga estratihiya na gagamitin sa pagpapatupad ng mga dapat gawing epektibong mga paraan upang lalong mapaunlad ng ahens’ya ang dapat paunlarin sa sistema ng ating patubig, nang makamit ang target sa pamamagitan ng organizational efficiency and optima irrigation service delivery. ANG INYONG LINGKOD/Dr. Hilda Ong
