NGAYON, bigyan natin ng daan itong reklamo ng isang taga-Muntinlupa na may kaugnayan sa talamak na operasyon ng jueteng sa kanilang lugar.
Isang alyas Allan Manuela raw ang siyang may kontrol ng operasyon ng jueteng mula sa mga lungsod ng Muntinlupa, Parañaque at Las Piñas.
Ibang klase raw itong si Allan Manuela dahil kaya niyang hawakan ang pinakatungki ng ilong ng sinomang opisyal ng PNP.
Katunayan nga, sa kabila ng lantaran at talamak ang operasyon ng jueteng (137) sa mga nasabing lungsod ay patuloy namang nagbubulag-bulagan itong sina SPD Regional Director Supt. Erwin Villacorte at si DID Supt. Aniceto Partosa.
E, palibhasa walang ipinagmamayabang itong si Allan Manuela kundi ang pagbibigay raw niya ng pera kina Gen. Villacorte at Col. Partosa.
Kaya kahit talamak at lantaran ang operasyon ng 137 sa SPD ay dinededma lamang ng mga opisyales na ito. Ikaw nga naman ang tumanggap ng kalahating milyong piso kada linggo mula sa jueteng ni Allan Manuela.
Ewan ko na lang kung hindi ka tumahimik dahil sa hindi mo nga naman kikitain ang perang ito sa pagpupulis mo.
Mag-aantay ka pa sa pagretiro mo sa serbisyo.
Alam n’yo ba ito, NCRPO chief Gen. Mel Valmoria?
BOOKIES PADER KAY MAYOR HALILI
Sa Tanauan, Batangas ay patuloy pa rin daw na nagpapa-bookies ng STL itong si Paul Fajardo kahit na sangkatutak ng mga nagrereklamong Tanaueño.
Maging si Tanauan Mayor Thony Halili ay daig pa ang bulag dahil parang wala siyang nakikita kahit abot-tanaw na lang mula sa munisipyo ang bolahan.
Bakit, malaki ba ang tongpats na ibinibigay ni Paul Fajardo sa kanya? Mayor, ala e mahiya naman kayo!!!
o0o
Anomang reklamo o puna ay i-text lang sa 09189274764, 09266719269 o i-email sa juandesabog@yahoo. com. JUAN DE SABOG/Johnny Magalona
